ວັນທີ 24 ພະຈິກນີ້, ທ່ານເປໂຕຣ ໂປໂຣເຊັນໂຄ ປະທານາທິບໍດີອູແກຣນ ກ່າວວ່າ, ຈະລົງປະຊາມະຕິທົ່ວປວງຊົນເພື່ອຕົກລົງວ່າ ອູແກຣນຈະເຂົ້າຮ່ວມກຸ່ມນາໂຕຫຼືບໍ່.
ມື້ດຽວກັນ, ຢູ່ທີ່ລາໄຮ, ທ່ານເຈັນເຊ ສະໂຕເທັນເບີກ ເລຂາທິການໃຫຍ່ກຸ່ມນາໂຕກ່າວວ່າ, ນະໂຍບາຍເປີດປະຕູຂອງກຸ່ມນາໂຕ ໄດ້ຮັບຜົນສຳເລັດຫຼາຍໃນ 20 ປີທີ່ຜ່ານມາ, ດຽວນີ້, ປະຕູດັ່ງກ່າວຍັງໄຂຢູ່ຄືເກົ່າ. ກອງປະຊຸມສຸດຍອດຂອງກຸ່ມນາໂຕທີ່ໄຂຂຶ້ນຢູ່ບຸຍກາເລັດເຄີຍຕົກລົງວ່າ, ຖ້າອູແກຣນຍິນດີແລະສອດຄ່ອງກັບມາດຖານທີ່ຈຳເປັນ, ອູແກຣນກໍຈະກາຍເປັນສະມາຊິກຂອງກຸ່ມນາໂຕໄດ້. ທ່ານສະໂຕເທັນເບີກກ່າວເນັ້ນວ່າ, ທ່ານຈະເຄົາລົບການຕົກລົງຂອງອູແກຣນ.
ຫວ່າງມໍ່ໆມານີ້, ສື່ມວນຊົນຂອງອູແກຣນໄດ້ປະກາດຜົນການສຳຫຼວດຄວາມຄິດເຫັນຂອງປະຊາຊົນໂດຍສະແດງໃຫ້ເຫັນວ່າ, ຖ້າຫາກຈັດການເອົາປະຊາມະຕິທົ່ວປວງຊົນໃນປັດຈຸບັນ, ຈະມີປະຊາຊົນອູແກຣນ 51% ເຫັນດີນຳການເຂົ້າຮ່ວມກຸ່ມນາໂຕ.
 |
