ຕອນຄ່ຳຂອງວັນທີ 12 ທັນວານີ້, ຮອບຊິງຊະນະເລີດຂອງກິດຈະກຳ "ຮ້ອງເພງມິດຕະພາບຮ່ວມກັນ" ຈີນ-ຫວຽດນາມ 2014 ຢູ່ເຂດແຂ່ງຂັນນານນິງໄດ້ຈັດຂຶ້ນຢູ່ນະຄອນນານນິງ, ເທດສະ ບານຂອງເຂດປົກຄອງຕົນເອງເຜົ່າຈວ້າງກວາງຊີຂອງຈີນ, ເຊິ່ງຜູ້ເຂົ້າຮ່ວມກິດຈະກຳຄັ້ງນີ້ທີ່ມາຈາກຈີນແລະຫວຽດນາມໄດ້ສະແດງຄວາມສາມາດດ້ານການຮ້ອງເພງ, ເຊິ່ງໄດ້ບັນເລງສຽງດົນຕີທີ່ມີສີ ສັນຫຼາກຫຼາຍໃຫ້ມວນຊົນພາຍໃນທ້ອງຖິ່ນທັງຫຼາຍໄດ້ຮັບຊົມ.
ຜູ້ເຂົ້າຮ່ວມກິດຈະກຳຄັ້ງນີ້ມີທັງໝົດ 16 ຄົນ(ຄະນະ), ລວມທັງນັກສຶກສາທີ່ມາຈາກສະຖາບັນສິລະປະກວາງຊີ, ມະຫາວິທະຍາໄລຊົນເຜົ່າກວາງ ຊີ, ສະຖາບັນ ພາສາຕ່າງປະເທດກວາງຊີແລະນັກສຶກສາຫວຽດນາມຂອງໂຮງຮຽນຈີນຕ່າງດ້າວກວາງຊີ, ເຊິ່ງໄດ້ຮ້ອງເພງພື້ນເມືອງແລະເພງປະຈຸບັນຫຼາຍເພງໂດຍມີລາຍການຮ້ອງເພງດ່ຽວ, ຄູ່ຊາຍຍິງແລະຮ້ອງເພງລວມໝູ່. ຜ່ານການແຂ່ງຂັນສອງຮອບ, ທ້າວເຫວີຍຢູ້ແລະຜູ້ແຂ່ງຂັນອື່ນໆທັງໝົດ 6 ຄົນ(ຄະນະ)ໄດ້ກ້າວເຂົ້າສູ່ຮອບຊິງຊະນະເລີດຂອງເຂດແຂ່ງຂັນປະເທດຈີນດ້ວຍຄະແນນດີເດັ່ນ.
ນັບແຕ່ປີ 2010 ເປັນຕົ້ນມາ, ກິດຈະກຳ "ຮ້ອງເພງມິດຕະພາບຮ່ວມກັນ" ຈີນ-ຫວຽດນາມໄດ້ຈັດຂຶ້ນ 4 ຄັ້ງຢ່າງຕໍ່ເນື່ອງຢູ່ຈີນແລະຫວຽດນາມ.