ວັນທີ 15 ທັນວາ, ຢູ່ສະໜາມກິລາເກົ່າແຂວງ ອຸດົມໄຊ, ໄດ້ມີການຊີງໄຊຫຼຽນຄຳ ກິລາກະຕໍ້ ປະເພດທີມຄູ່ຍິງ, ລະຫວ່າງແຂວງສະຫວັນນະເຂດມີນາງ ເມລີ ມາດມະນີວົງ, ນາງ ພອນທິບ ແສງພະຈັນ ແລະນາງ ສອນສະຫວັນ ແກ້ວສຸລິຍາ ພົບກັບທີມ ປກສ ມີນາງໜໍ່ຄຳ ວົງໄຊ, ນາງ ນວນດຳ ວໍລະບຸດ ແລະ ນາງ ດຳດວນ ລັດຕະນະວົງສາ, ທັງສອງທີມ ເປັນການພົບກັນຄັ້ງທຳອິດໃນການແຂ່ງຂັນກະຕໍ້ຄູ່ຍິງໃນງານກິລາແຫ່ງຊາດ, ແລະ ທັງສອງທີມມີນັກກິລາທີ່ເຄີຍຫຼີ້ນໃຫ້ກັບທີມຊາດມາກ່ອນ, ຜົນການແຂ່ງຂັນໃນເຊັດທຳອິດ, ທີມ ກະຕໍ້ຍິງປກສສາມາດເອົາຊະນະທີມແຂວງສະຫວັນນະເຂດໄປກ່ອນດ້ວຍຄະແນນ 22-21, ກ່ອນໃນເຊັດທີສອງທີມກະຕໍ້ຍິງຈາກແຂວງສະຫວັນນະເຂດເອົາຊະນະຄືນໄດ້ດ້ວຍຄະແນນ 21-17 ເຮັດໃຫ້ສະເໝີກັນ 1-1 ເຊັດ, ຕ້ອງມາຕັດສິນທີ່ເຊັດສຸດທ້າຍ, ກ່ອນທີມກະຕໍ້ຍິງແຂວງສະຫວັນນະເຂດໂຊລີລາການເສີບທີ່ຮຸນແຮງ, ແລະຕີລັງກາເຕະເຮັດໃຫ້ເອົາຊະນະໄປດ້ວຍຄະແນນ 21-18 ຄວ້າຫຼຽນຄຳມາຄອງ
