ນັບແຕ່ວັນທີ 12 ທັນວານີ້ເປັນຕົ້ນໄປ, ໜ່ວຍງານຜູ້ຊຽວຊານການແພດຈາກກອງທັບປົດປ່ອຍປະຊາຊົນຈີນທັງໝົດ 17 ຄົນ, ໄດ້ດຳເນີນກິດຈະກຳ ກວດສຸຂະພາບແບບອາສາສະໝັກເປັນເວລາ 1 ອາທິດຢູ່ນະຄອນຫຼວງວຽນຈັນແລະເມືອງຫຼວງພະບາງຂອງລາວ. ວັນທີ 12 ທັນວານີ້, ໜ່ວຍງານ ດັ່ງກ່າວໄດ້ດຳເນີນການກວດສຸຂະພາບຕໍ່ການນຳທີ່ມີລະດັບກົມຂຶ້ນໄປຂອງກອງທັບປະຊາຊົນເກືອບ 40 ຄົນ, ເຊິ່ງລວມທັງທ່ານພົນຕີ ແສງນວນ ໄຊຍະລາດ, ລັດຖະມົນຕີວ່າການກະຊວງປ້ອງກັນປະເທດລາວຢູ່ໂຮງໝໍ 103 ຂອງກອງທັບປະຊາຊົນລາວ, ແລະນັບແຕ່ວັນທີ 13 ທັນວານີ້ເປັນຕົ້ນໄປ, ຈະອຳນວຍຄວາມສະດວກໃນການກວດພະຍາດແບບອາສາສະໝັກຕໍ່ທະຫານແລະປະຊາຊົນລາວ.
