ຕອນບ່າຍວັນທີ 16 ທັນວານີ້, ພາຍຫຼັງໄດ້ເຂົ້າຮ່ວມການພົບປະລະຫວ່າງຜູ້ນຳຈີນ-ປະເທດເອີຣົບກາງແລະເອີຣົບຕາເວັນອອກເທື່ອທີ 3 ທີ່ຈັດຂຶ້ນຢູ່ນະຄອນຫຼວງແບນກຣາດຂອງແຊັກບີ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຮ່ວມກັບທ່ານອູຊິສ ນາຍົກລັດຖະມົນຕີແຊັກບີຖະແຫຼງຕໍ່ສື່ມວນຊົນເພື່ອແນະນຳໝາກຜົນຂອງກອງປະຊຸມ.
ທ່ານຫຼີເຄີ້ສຽງກ່າວເນັ້ນວ່າ, ການຮ່ວມມືລະຫວ່າງຈີນກັບປະເທດເອີຣົບກາງແລະເອີຣົບຕາເວັນອອກເປັນສ່ວນປະກອບອັນສຳຄັນຂອງກົນໄກຮ່ວມມືຈີນ-ສະຫະພາບເອີຣົບ, ມັນບໍ່ພຽງແຕ່ມີຜົນດີຕໍ່ຈີນແລະບັນດາປະເທດເອີຣົບກາງແລະເອີຣົບຕາເວັນອອກເທົ່ານັ້ນ, ຍັງມີຜົນດີຕໍ່ການເຊື່ອມໂຍງເຂົ້າເປັນອັນໜຶ່ງອັນດຽວແລະການພັດທະນາຢ່າງກ້ຳເກິ່ງຂອງເອີຣົບ, ມີຜົນດີຕໍ່ການຂະຫຍາຍກວ້າງອອກຂອງສະຫະພາບເອີຣົບແລະມີຜົນດີຕໍ່ສະເຖຍລະພາບແລະການພັດທະນາຂອງພາກພື້ນກໍຄືຂອງໂລກອີກດ້ວຍ. ຝ່າຍຈີນຍິນດີສືບຕໍ່ທຳຄວາມພະຍາຍາມຮ່ວມກັບບັນດາປະເທດເອີຣົບກາງແລະເອີຣົບຕາເວັນອອກ, ຊຸກຍູ້ການພົວພັນຈີນ-ເອີລົບໃຫ້ຂະຫຍາຍຕົວກ້າວສູ່ລວງເລິກຢ່າງບໍ່ຢຸດຢັ້ງ.
