"ຂ້າພະເຈົ້າມັກຄວາມໄວສູງ" ຕອນເຊົ້າວັນທີ 23 ທັນວານີ້, ເນື່ອງໃນໂອກາດດຳເນີນການຢ້ຽມຢາມຈີນ, ທ່ານປຣະຢຸດ ຈັນໂອຊາ, ນາຍົກລັດຖະມົນຕີໄທໄດ້ໄປທັດສະນະສຶກສາສູນສັດປ່ຽນແລະບັນຊາທາງລົດໄຟທົ່ວປະເທດຂອງຈີນ, ແລະໄດ້ຂີ່ລົດໄຟລະຫວ່າງປັກກິ່ງຫາທຽນສິນ, ເຊິ່ງໄດ້ເຮັດໃຫ້ທາງລົດໄຟກາຍເປັນຈຸດສຸມສາຍຕາຂອງຊາວຈີນແລະຊາວໄທອີກຄັ້ງໃໝ່.
ເມື່ອຄວາມໄວຂອງລົດໄຟດັ່ງກ່າວໄດ້ຂຶ້ນຮອດ 306 ກິໂລແມັດຕໍ່ຊົ່ວໂມງ, ພະນັກງານຕິດຕາມຝ່າຍຈີນໄດ້ເຊີນທ່ານປຣະຢຸດໄປເບິ່ງໜ້າຈໍສະແດງຕົວເລກຄວາມໄວຂອງລົດໄຟ. "ຂ້າພະເຈົ້າບໍ່ໄດ້ມີຄວາມຮູ້ສຶກ (ຕໍ່ຄວາມໄວຂອງລົດໄຟ) ແຕ່ຢ່າງໃດ, ກະດຽວວ່າມັນຍັງຊ້າຢູ່, ແຕ່ຄວາມຈິງແລ້ວມັນໄວພໍສົມຄວນແລ້ວ." ທ່ານປຣະຢຸດກ່າວວ່າ, "ຂ້າພະເຈົ້າມັກຄວາມໄວສູງ."
ທ່ານປຣະຢຸດກ່າວຕື່ມວ່າ, ມີຫຼາຍປະເທດຫວັງຢາກສ້າງທາງລົດໄຟຢູ່ໄທ, ແຕ່ວ່າໄທຫວັງວ່າສືບຕໍ່ປຶກສາຫາລືກັບຈີນ. ໄທແລະຈີນກຳລັງ ປຶກສາຫາລືກ່ຽວກັບບັນຫາລະອຽດເຊັ່ນ, ຄວນຮ່ວມທຶນແນວໃດ, ອັດຕາສ່ວນແບ່ງປັນລາຍໄດ້, ໄທຢາກເປັນຝ່າຍດຳເນີນທາງລົດໄຟ, ຈີນຊ່ວຍໄທສ້າງຖານສ້ອມແປງບຳລຸງຮັກສາແລະບັນຫາອື່ນໆ. ທ່ານສະເໜີໃຫ້ໄທກໍ່ສ້າງລາງລົດໄຟໂດຍໃຊ້ທຶນຂອງຕົນເອງ, ສ່ວນອຸປະກອນເຄື່ອນທີ່ແລະລະບົບສົ່ງສັນຍານແມ່ນໃຫ້ຝ່າຍຈີນຮັບຜິດຊອບ.