ວັນທີ 27 ມັງກອນນີ້, ສະພາກອງທຶນມູນເຊື້ອອາເມລິກາໄດ້ເປີດເຜີຍບົດລາຍງານກ່ຽວກັບດັດຊະນີລະດັບເສລີພາບດ້ານເສດຖະກິດ 2015 ໂດຍສະແດງໃຫ້ເຫັນວ່າ, ຮົງກົງໄດ້ຖືກສະພາກອງທຶນມູນເຊື້ອອາເມລິກາຄັດເລືອກເປັນອົງກອນເສດຖະກິດທີ່ມີເສລີພາບຫຼາຍທີ່ສຸດໃນໂລກຢ່າງຕິດຕໍ່ກັນເປັນເວລາ 21 ປີ. ອົງການປົກຄອງເຂດບໍລິຫານພິເສດຮົງກົງຈີນໄດ້ສະແດງຄວາມຊົມເຊີຍຕໍ່ເລື່ອງນີ້ ແລະກ່າວວ່າຈະສືບຕໍ່ສຸມກໍາລັງເຂົ້າໃນຫຼັກການຕະຫຼາດເສລີພາບ ແລະຮັກສາສະພາບແວດລ້ອມດໍາເນີນທຸລະກິດຂອງຮົງກົງທີ່ມີຄວາມສະເໝີພາບ, ມີປະສິດທິພາບສູງ ແລະມີອັດຕາດອກເບັ້ຍຕໍ່າ.
ບົດລາຍງານໄດ້ຈັດອັນດັບຕໍ່ລະດັບເສລີພາບຂອງ 178 ອົງກອນເສດຖະກິດໃນໂລກ ໂດຍອີງຕາມປັດໄຈ 10 ປະການ ຄື ເສລີພາບໃນການດໍາເນີນທຸລະກິດ, ເສລີພາບດ້ານການຄ້າ, ເສລີພາບດ້ານການເງິນ, ງົບປະມານຂອງອົງການປົກຄອງຫຼືລັດຖະບານ, ເສລີພາບດ້ານເງິນຕາ, ເສລີພາບດ້ານການລົງທຶນ, ເສລີພາບດ້ານການທະນາຄານ, ການຮັບປະກັນສິດຊັບສົມບັດ, ລະດັບຊື່ສັດບໍລິສຸດ ແລະຄວາມເສລີພາບດ້ານແຮງງານ. ໃນຕາຕະລາງການຈັດອັນດັບດັ່ງກ່າວ, ສິງກະໂປຢູ່ໃນອັນດັບທີ 2, ນູແວັນເຊລັງຢູ່ອັນດັບທີ 3, ຮອງຈາກນັ້ນແມ່ນອົສຕຣາລີ ແລະສວິສ.
