(ທ່ານຫວາງອີ້ ເປັນປະທານໄຂກອງປະຊຸມອະພິປາຍແບບເປີດກວ້າງກ່ຽວກັບສັນຕິພາບແລະຄວາມໝັ້ນຄົງສາກົນໃນຖານະເປັນປະທານໝູນວຽນສະພາຄວາມໝັ້ນຄົງ ສປຊ )
ວັນທີ 23 ກຸມພານີ້ ຢູ່ທີ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກ, ໃນຖານະເປັນປະທານສະພາຄວາມໝັ້ນຄົງສະຫະປະຊາຊາດ, ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ເປັນປະທານໄຂກອງປະຊຸມອະພິປາຍແບເປີດກວ້າງທີ່ຖືສັນຕິພາບແລະຄວາມໝັ້ນຄົງຂອງສາກົນເປັນຫົວຂໍ້.
ທ່ານຫວາງອີ້ກ່າວວ່າ, ປີນີ້ ພວກຂ້າພະເຈົ້າຈະຕ້ອນຮັບວັນຄົບຮອບ 70 ປີຂອງສົງຄາມຕ້ານຟັດຊິດໂລກໄດ້ຮັບໄຊຊະນະແລະວັນຄົບຮອບ 70 ປີຂອງການສ້າງຕັ້ງອົງການສະຫະປະຊາຊາດ. ເຊິ່ງເປັນປີໜຶ່ງທີ່ສຳຄັນແລະໜ້າຈາລຶກໄວ້, ແລະກໍ່ແມ່ນໂອກາດຄັ້ງປະຫວັດສາດທີ່ສືບອັນກ່ອນຕໍ່ອັນລຸນ. ໃນຖານະເປັນປະທານໝູນວຽນປະຈຳເດືອນນີ້ຂອງສະພາຄວາມໝັ້ນຄົງ, ຈີນໄດ້ລິເລີ່ມໄຂກອງປະຊຸມອະພິປາຍແບບເປີດກວ້າງຄັ້ງນີ້ຂຶ້ນ ແມ່ນເພື່ອຮ່ວມກັບປະເທດຕ່າງໆຫວນຄືນປະຫວັດສາດ, ແລະມຸ່ງໜ້າສູ່ອະນາຄົດ.
ທ່ານຫວາງອີ້ກ່າວຕື່ມວ່າ, ກ່ຽວກັບການພົວພັນສາກົນໃນສັດຕະວັດທີ 21, ຈີນມີຄວາມເຫັນຄື: 1, ຕ້ອງການສັນຕິພາບ, ບໍ່ໃຫ້ມີການປະທະກັນ. 2: ຕ້ອງການຮ່ວມມືກັນ, ບໍ່ໃຫ້ມີການເປັນປໍລະປັກກັນ. 3, ຕ້ອງການຍຸດຕິທຳ, ບໍ່ໃຫ້ມີມະຫາອຳນາດ. 4, ໄດ້ຮັບຜົນປະໂຫຍດນຳກັນ, ບໍ່ຄວນເກີດກໍລະນີທີ່ຝ່າຍໜຶ່ງໄດ້ຮັບຜົນປະໂຫຍດຈາກການເສຍຫາຍຂອງອີກຝ່າຍໜຶ່ງ.
ສຸດທ້າຍ ທ່ານຫວາງອີ້ກ່າວວ່າ, ຫວັງວ່າຜ່ານການອະພິປາຍຄັ້ງນີ້ ສາມາດເປີດສາກໃຫ້ແກ່ການລະນຶກສົງຄາມຕ້ານຟັດຊິດໂລກໄດ້ຮັບໄຊຊະນະແລະການສ້າງຕັ້ງອົງການສະຫະປະຊາຊາດຄົບຮອບ 70 ປີ, ເຮັດໃຫ້ຈິດໃຈກົດບັດສະຫະປະຊາຊາດສາມາດເຜີຍແຜ່ເປັ່ງລັດສະໝີໄປສູ່ທົ່ວໂລກ, ໃຫ້ທັດສະນະທີ່ຮ່ວມມືກັນໄດ້ຮັບຜົນປະໂຫຍດນຳກັນນັ້ນເຜີຍແຜ່ໄປສູ່ທົ່ວໂລກ.