ວັນທີ 18-24 ກຸມພານີ້ເປັນໄລຍະບຸນກຸດຈີນ, ຕາມຕົວເລກສະຖິຕິທີ່ອົງການທ່ອງທ່ຽວແຫ່ງຊາດຈີນເປີດເຜີຍໃນວັນທີ 25 ກຸມພານີ້, ໃນໄລຍະບຸນກຸດຈີນ, ຈີນລວມໄດ້ຕ້ອນຮັບນັກທ່ອງທ່ຽວ 261 ລ້ານເທື່ອຄົນ, ເຊິ່ງເພີ່ມຂຶ້ນ 12,9% ເມື່ອທຽບໃສ່ໄລຍະດຽວກັນຂອງປີກາຍນີ້; ສ້າງລາຍໄດ້ບັນລຸເຖິງ 144 ຕື້ 830 ລ້ານຢວນ, ເຊິ່ງເພີ່ມຂຶ້ນ 14,6%.
ນອກນີ້, ປັດໄຈທີ່ດຶງດູດນັກທ່ອງທ່ຽວເປັນຕົ້ນແມ່ນອັດຕາແລກປ່ຽນລະຫວ່າງເງິນຢວນກັບເງິນຕາຕ່າງປະເທດມີທ່າອ່ຽງທີ່ດີຕໍ່ເງີນຢວນ, ການຂໍວິຊາໄດ້ຮັບການຜ່ອນຜັນ, ສະພາບແວດລ້ອມການບໍລະໂພກໄດ້ຮັບການປັບປຸງໃຫ້ດີຂຶ້ນແລະອື່ນໆໄດ້ກາຍເປັນສິ່ງກະຕຸ້ນຄວາມກະຕືລືລົ້ນຂອງນັກທ່ອງທ່ຽວຈີນໃນການໄປທ່ອງທ່ຽວແລະບໍລິໂພກຢູ່ຕ່າງປະເທດໃນໄລຍະບຸນກຸດຈີນ. ຈຳນວນນັກທ່ອງທ່ຽວຈີນທີ່ໄປທ່ຽວຢູ່ຕ່າງປະເທດໄດ້ບັນລຸເຖິງ 5 ລ້ານ 182 ພັນເທື່ອຄົນ, ໄດ້ເພີ່ມຂຶ້ນ 10% ເມື່ອທຽບໃສ່ໄລຍະດຽວກັນຂອງປີກາຍນີ້. ຕາມຕົວເລກສະຖິຕິ, ໄທຍັງເປັນປະເທດທີ່ນັກທ່ອງທ່ຽວຈີນມັກໄປທ່ຽວເປັນກຸຣບຫຼາຍທີ່ສຸດ, ຍີ່ປຸ່ນ, ສ.ເກົາຫຼີ, ເກາະຕ່າງໆໃນປະເທດອາຊີຕາເວັນອອກສຽງໃຕ້ແລະປະເທດອື່ນໆທີ່ຢູ່ໃກ້ກັບຈີນກໍໄດ້ຮັບຄວາມນິຍົມຊົມຊອບຈາກນັກທ່ອງທ່ຽວຈີນເຊັ່ນກັນ, ສ່ວນນັກທ່ອງທ່ຽວຈີນທີ່ໄປທ່ຽວຢູ່ອົສຕາລີແລະອາເມລິກາທີ່ເປັນປະເທດໄກກັບຈີນນັ້ນກໍໄດ້ເພີ່ມຂຶ້ນຢ່າງຫຼວງຫຼາຍ.