ໄດ້ແກ້ໄຂເອກະສານວາງຂໍ້ສະເໜີທັງໝົດ 8576 ສະບັບທີ່ຄະນະຜູ້ແທນສະພາປະຊາຊົນແຫ່ງຊາດສະເໜີອອກໃນປີ 2014
2015-03-09 19:07:44 cri
ທ່ານຈ່າງເຕີຈ່ຽງ, ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ກ່າວໃນ "ບົດລາຍງານວຽກງານຄະນະປະຈຳສະພາປະຊາຊົນແຫ່ງຊາດຈີນ" ວ່າ: ໃນກອງປະຊຸມສະພາປະຊາຊົນແຫ່ງຊາດຈີນຄັ້ງທີ 2 ສະໄໝທີ 12, ຂໍ້ສະເໜີ, ຂໍ້ຕຳນິແລະຄຳຄິດຄຳເຫັນທີ່ຄະນະຜູ້ແທນສະເໜີອອກທັງໝົດ 8576 ສະບັບ, ປະຈຸບັນໄດ້ແກ້ໄຂໃຫ້ຕົກທັງໝົດແລະໃຫ້ພາກສ່ວນທີ່ຮັບຜິດຊອບການແກ້ໄຂໃຫ້ຄຳຕອບຕໍ່ຄະນະຜູ້ແທນ, ເຊິ່ງບັນຫາທີ່ໄດ້ຮັບການແກ້ໄຂຮຽບຮ້ອຍຫຼືມີແຜນຈະແກ້ໄຂຢ່າງເທື່ອລະກ້າວໃນຂໍ້ສະເໜີດັ່ງກ່າວນັ້ນ, ໄດ້ກວມ 79,8% ຂອງຂໍ້ສະເໜີທັງໝົດ. ຄະນະກຳມະການສະເພາະກິດທີ່ກ່ຽວຂ້ອງແລະພາກສ່ວນທີ່ຮັບຜິດຊອບການແກ້ໄຂໄດ້ປະຕິບັດໜ້າທີ່ຕິດຕາມແລະແກ້ໄຂບັນຫາຢ່າງຕັ້ງໜ້າ, ຜູ້ຮັບຜິດຊອບການແກ້ໄຂຂອງບັນດາພາກສ່ວນທີ່ຮັບຜິດຊອບໄດ້ມີຄວາມຫ້າວຫັນໃນການເຂົ້າຮ່ວມກອງປະຊຸມສຳມະນາເພື່ອຄົ້ນຄວ້າແລະແກ້ໄຂຂໍ້ສະເໜີ, ໄດ້ຄົ້ນຄວ້າແລະວາງມາດຕະການທາງນະໂຍບາຍ 100 ກວ່າມາດຕະການ, ໄດ້ຊຸກຍູ້ການແກ້ໄຂບັນຫາທີ່ສຳຄັນງວດໜຶ່ງທີ່ມີສ່ວນພົວພັນເຖິງຜົນປະໂຫຍດຂອງປະຊາຊົນ.