ວັນທີ 9 ມີນານີ້, ໃນເວລາເຂົ້າຮ່ວມການພິຈາລະນາຂອງຄະນະຜູ້ແທນແຂວງຈ່ຽງຊີ່, ທ່ານວ່າງຢາງ, ຮອງນາຍົກລັດຖະມົນຕີຈີນກ່າວວ່າ, "ການສ້າງສັງຄົມອິ່ມໜຳສຳລານໃຫ້ສຳເລັດຢ່າງຮອບດ້ານກໍແມ່ນບໍ່ໃຫ້ມີຄວາມທຸກຍາກໂດນເດັດຖານອີກ, ບໍ່ໃຫ້ມີຄວາມທຸກຍາກທີ່ມີລັກສະນະລວມໝູ່ ໂດຍສະເພາະແມ່ນຢູ່ໃນເຂດທີ່ໝັ້ນການປະຕິວັດ ບໍ່ໃຫ້ສືບຕໍ່ມີຄວາມທຸກຍາກທີ່ກວ້າງຂວາງໃນໝູ່ປະຊາຊົນ."
ຕອນເຊົ້າວັນທີ 9 ມີນານີ້, ພາຍຫຼັງຮັບຟັງການປະກອບຄວາມຄິດເຫັນຂອງບັນດາຜູ້ແທນແລ້ວ, ທ່ານວ່າງຢາງກ່າວວ່າ, ຕ້ອງສືບຕໍ່ປະຕິບັດວຽກງານລົບລ້າງຄວາມທຸກຍາກ ແລະວຽກງານພັດທະນາໃຫ້ດີ, ປະຕິບັດວຽກງານລົບລ້າງຄວາມທຸກຍາກ ແລະວຽກງານພັດທະນາເຂດທີ່ໝັ້ນການປະຕິວັດໃຫ້ດີ ເພື່ອເຮັດໃຫ້ປະຊາຊົນຢູ່ໃນເຂດດັ່ງກ່າວຫຼຸດພົ້ນອອກຈາກຄວາມທຸກຍາກ ແລະກ້າວໄປສູ່ຄວາມຮັ່ງມີຜາສຸກ.
ທ່ານວ່າງຢາງກ່າວຕື່ມອີກວ່າ, ຖ້າຫາກຢາກປະຕິບັດວຽກງານດັ່ງກ່າວໃຫ້ດີ, ຕ້ອງຍົກສູງຄວາມຮັບຮູ້ທີ່ເປັນເອກະສັນກັນຕໍ່ການເພີ່ມທະວີວຽກງານລົບລ້າງຄວາມທຸກຍາກແລະການພັດທະນາ; ຕ້ອງປັບປຸງລະບົບກວດສອບຕໍ່ເມືອງທຸກຍາກ; ຕ້ອງແກ້ໄຂບັນຫາພົນລະເມືອງຜູ້ທຸກຍາກທີ່"ບໍ່ມີວຽກເຮັດງານທໍາ"ແລະ"ບໍ່ມີຄວາມສາມາດຫຼຸດພົ້ນອອກຈາກຄວາມທຸກຍາກ"ດ້ວຍຕົນເອງ.
