ໃນເວລາຕອບຄໍາຖາມຈາກນັກຂ່າວໃນວັນທີ 9 ມີນານີ້, ທ່ານຫວາງອ້າຍລີ້, ຫົວໜ້າຫ້ອງການກົດໝາຍອາຍາຄະນະກໍາມະການວຽກງນລະບົບກົດໝາຍຂອງຄະນະກໍາມະການປະຈໍາສະພາປະຊາຊົນແຫ່ງຊາດຈີນກ່າວວ່າ, ຕໍ່ກັບຮ່າງກົດໝາຍວ່າດ້ວຍການຕໍ່ຕ້ານການກໍ່ການຮ້າຍ, ຈະມອບໃຫ້ຄະນະກໍາມະການປະຈໍາສະພາຜູ້ແທນປະຊາຊົນແຫ່ງຊາດຈີນໃນເວລາທີ່ເໝາະສົມເພື່ອດໍາເນີນການພິຈາລະນາ ໂດຍ ອີງຕາມແຜນການນິຕິບັນຍັດຂອງຄະນະກໍາມະການປະຈໍາສະພາຜູ້ແທນປະຊາຊົນແຫ່ງຊາດຈີນໃນປີນີ້.
ທ່ານຫວາງອ້າຍລີ້ກ່າວວ່າ, ກົດໝາຍວ່າດ້ວຍການຕໍ່ຕ້ານການກໍ່ການຮ້າຍຂອງຈີນແມ່ນຮ່າງອອກວ່າໂດຍອີງຕາມຄວາມຕ້ອງການຂອງຈີນໃນດ້ານການຕໍ່ຕ້ານການກໍ່ການຮ້າຍ, ອີງຕາມບັນຫາທີ່ເກີດຂຶ້ນໃໝ່ໃນສະຖານະການຕໍ່ຕ້ານການກໍ່ການຮ້າຍສາກົນ ແລະປະສານສົມທົບກັບສະພາບຄວາມເປັນຈິງຂອງວຽກງານຕໍ່ຕ້ານການກໍ່ການຮ້າຍຂອງຈີນ. ຕໍ່ກັບຂະບວນການພິຈາລະນາກົດໝາຍສະບັບດັ່ງກ່າວ, ທ່ານກ່າວວ່າ, ໃນເດືອນຕຸລາ ປີ 2014, ໄດ້ດໍາເນີນການພິຈາລະນາເທື່ອທໍາອິດຕໍ່ຮ່າງກົດໝາຍສະບັບດັ່ງກ່າວແລ້ວ ແລະໃນເດືອນກຸມພາປີນີ້ໄດ້ດໍາເນີນການພິຈາລະນາເທື່ອທີສອງ. ຕາມຂໍ້ກໍານົດຂອງກົດໝາຍວ່າດ້ວຍນິຕິບັນຍັດ, ໂດຍທົ່ວໄປແລ້ວ, ກົດໝາຍຂອງຈີນຕ້ອງຜ່ານການພິຈາລະນາເປັນສາມຄັ້ງ ຈຶ່ງສາມາດວາງອອກແລະບັງຄັບໃຊ້ໄດ້.