ວັນທີ 9 ມີນານີ້, ກອງປະຊຸມຄັ້ງທີ 3 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 12 ໄດ້ຈັດກອງປະຊຸມຄົບຄະນະເທື່ອທີສອງ, ຜູ້ແທນສະພາປຶກສາການເມືອງແຫ່ງຊາດຈີນ 16 ທ່ານໄດ້ປະກອບຄຳເຫັນກ່ຽວກັບການພັດທະນາເສດຖະກິດຂອງຈີນ, "ການປະດິດສ້າງໃໝ່"ແລະ "ການດຳເນີນທຸລະກິດ"ກາຍເປັນສິ່ງສຳຄັນທີ່ໄດ້ເວົ້າເຖິງຫຼາຍທີ່ສຸດ.
ການປະກອບຄຳເຫັນຂອງກອງປະຊຸມໄດ້ດຳເນີນເປັນເວລາ 2 ຊົ່ວໂມງ, ບັນດາຜູ້ແທນຕ່າງໄດ້ປະກອບຄຳເຫັນກ່ຽວກັບຫົວຂໍ້ຕ່າງໆເຊັ່ນ: ພາຍໃຕ້ສະພາບການທີ່ເສດຖະກິດຂອງຈີນເຕີບໂຕຊ້າລົງຄວນເຮັດແນວໃດ, ລົງເລິກການປະຕິຮູບການສຶກສາຊັ້ນສູງແລະຊຸກຍູ້ໃຫ້ນັກສຶກສາດຳເນີນທຸລະກິດດ້ວຍຕົນເອງ, ພັດທະນາກະສິກຳຍຸກປະຈຳບັນ, ແລະຮັບມືກັບສະພາບການປົກກະຕິໃໝ່ຂອງຕະຫຼາດອະສັນຫາລິມະຊັບຂອງຈີນເປັນຕົ້ນ.