ນັບແຕ່ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 3 ຊຸດທີ 12 ໄຂຂຶ້ນເປັນຕົ້ນມາ, ວົງການຕ່າງໆໃນສັງຄົມໄດ້ໃຫ້ຄວາມສົນໃຈໂດຍທົ່ວໄປ. ທ່ານບຣານໂຄ ຈູໂຢວິກ, ນັກຂ່າວສັນຊາດແຊກບີຂອງວິທະຍຸ CRI ພວກເຮົາໄດ້ແຕ່ງບົດຄວາມເລື່ອງ "ກອງປະຊຸມສອງສະພາຂອງຈີນໄຂຂຶ້ນພາຍໃຕ້ເບື້ອງຫຼັງແຫ່ງການຕ້ານການສໍ້ລາດບັງຫຼວງຢ່າງແຂງແຮງ", "ເບິ່ງການພັດທະນາຂອງຈີນໃນອະນາຄົດຈາກ 4 ຮອບດ້ານ" ແລະບົດຄວາມອື່ນໆ, ໂດຍໄດ້ຕີລາຄາຢ່າງຕັ້ງໜ້າຕໍ່ການຈັດວາງຍຸດທະສາດ "4 ຮອບດ້ານ".
ໃນບົດຄວາມບາງບົດໄດ້ຂຽນວ່າ: ກອງປະຊຸມສອງສະພາໃນປີນີ້ ແມ່ນໄຂຂຶ້ນພາຍໃຕ້ເບື້ອງຫຼັງທີ່ຈີນໄດ້ຊຸກຍູ້ການຕໍ່ຕ້ານການສໍ້ລາດບັງຫຼວງຢ່າງແຂງແຮງໃນບໍ່ເທົ່າໃດປີມໍ່ໆມານີ້, ເຊິ່ງໄດ້ກຳນົດທິດທາງໃຫ້ແກ່ການພັດທະນາສັງຄົມຂອງຈີນ. ບົດຄວາມເຫັນວ່າ, ໃນເດືອນທັນວາປີກາຍນີ້, ທ່ານສີຈິ້ນຜິງ, ປະທານປະເທດຈີນໄດ້ສະເໜີຍຸດທະສາດ "4 ຮອບດ້ານ" ເຊິ່ງກໍຄື: ສ້າງສັງຄົມທີ່ອີ່ມໜຳສຳລານໃຫ້ສຳເລັດຢ່າງຮອບດ້ານ, ລົງເລິກການປະຕິຮູບຢ່າງຮອບດ້ານ, ປົກຄອງປະເທດຕາມກົດໝາຍຢ່າງຮອບດ້ານ ແລະຄຸ້ມຄອງພັກຢ່າງເຂັ້ມງວດຮອບດ້ານ, ເຊິ່ງໝາຍຄວາມວ່າ, ຈີນຈະປ່ຽນແປງຮູບການທີ່ສະແຫວງຫາການພັດທະນາເສດຖະກິດແຕ່ຢ່າງດຽວ, ແລະຫັນເປັນການສະແຫວງຫາຄວາມກ້ຳເກິ່ງກັນລະຫວ່າງຄວາມໄວກັບການພັດທະນາໂດຍຜ່ານການປ່ຽນແປງຮູບການປົກຄອງລັດຂອງພັກ.
ບົດຄວາມດັ່ງກ່າວໄດ້ຖືກພິມລົງໃສ່ໜັງສືພິມ "ແນວຄິດການເມືອງ" ຂອງແຊກບີ.
 |
