ເພື່ອຮັບປະກັນຄວາມປອດໄພແລະສະເຖຍລະພາບຂອງດ່ານຊາຍແດນໃນໄລຍະດຳເນີນກອງປະຊຸມສະພາປະຊາຊົນແຫ່ງຊາດຈີນແລະກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນປີ 2015, ອອກແຮງປົກປັກຮັກສາຄວາມສະຫງົບແລະສະເຖຍລະພາບທາງສັງຄົມຢູ່ເຂດຊາຍແດນ, ເພີ່ມທະວີການປະຕິບັດມາດຕະການຄຸ້ມຄອງແລະຄວບຄຸມເຂດຈຸດສຸມແລະເຂດພູມສັນຖານທີ່ສັບສົນຕາມຊາຍແດນໃຫ້ມີປະສິດທິຜົນຫຼາຍຂຶ້ນ, ປ້ອງກັນແລະຕໍ່ຕ້ານຜູ້ກະທຳຜິດກົດໝາຍປະເພດຕ່າງໆທີ່ເລັດລອບເຂົ້າອອກຊາຍແດນ. ວັນທີ 9 ມີນານີ້ ສະຖານີກວດກາຊາຍແດນບໍ່ຫານຢຸນນານຈີນແລະສະຖານີກວດກາຊາຍແດນບໍ່ເຕັນລາວໄດ້ດຳເນີນການພົບປະລະຫວ່າງເຈົ້າໜ້າທີ່ກວດກາຊາຍແດນ.
ຕອນເຊົ້າວັນທີ 9 ມີນານີ້ ເຈົ້າໜ້າທີ່ລາດຕະເວນຂອງສອງຝ່າຍຈີນ-ລາວໄດ້ລາດຕະເວນດ້ວຍວິທີການຍ່າງຕາມເສັ້ນທາງລາດຕະເວນທີ່ໄດ້ກຳນົດໄວ້, ໂດຍໄດ້ປະຕິບັດການສຳຫຼວດກວດກາຢ່າງມີຈຸດສຸມຕາມທາງນ້ອຍຕ່າງໆບ່ອນສຳຄັນທີ່ພວກເລັດລອບຂ້າມຊາຍແດນຢ່າງຜິດກົດໝາຍນຳໃຊ້ນັ້ນຢູ່ຕາມເສັ້ນຊາຍແດນລະຫວ່າງຫຼັກໝາຍຊາຍແດນເລກທີ 29 ຫາເລກທີ 29-3, ພາຍຫຼັງເຈົ້າໜ້າທີ່ລາດຕະເວນພົບປະກັນແລ້ວ, ສອງຝ່າຍໄດ້ດຳເນີນການແລກປ່ຽນຄວາມຄິດຄວາມເຫັນກ່ຽວກັບຜົນຕົວຈິງທີ່ໄດ້ຮັບໃນການພົບປະຮ່ວມລາດຕະເວນຢູ່ຊາຍແດນຂອງສອງຝ່າຍໃນຄັ້ງນີ້ພ້ອມດ້ວຍບັນຫາອື່ນໆທີ່ພົ້ນເດັ່ນເຊັ່ນການເພີ່ມທະວີການຄຸ້ມຄອງແລະຄວບຄຸມຊາຍແດນ, ເພີ່ມທະວີການຕ້ານການເລັດລອບເຂົ້າອອກເມືອງຢ່າງຜິດກົດໝາຍແລະການຄ້າຂາຍເຖື່ອນແລະອື່ນໆ.