ນັບຕັ້ງແຕ່ກອງປະຊຸມໃຫຍ່ຄັ້ງທີ 3 ຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ 12 ໄຂຂຶ້ນເປັນຕົ້ນມາ, ຊາວເນັດຣູມານີ້ໄດ້ເອົາໃຈໃສ່ກອງປະຊຸມຄັ້ງນີ້ຢ່າງກວ້າງຂວາງ.
ຊາວເນັດຣູມານີຄົນໜຶ່ງທີ່ຊື່ວ່າທ່ານ Gheorghe Vicentiu ກ່າວວ່າ, ການສະເໜີແນວຄິດຍຸດທະສາດ"4 ຮອບດ້ານ"ໄດ້ຕອບຫຼາຍຂໍ້ສົງໄສທີ່ກ່ຽວຂ້ອງກັບຈີນຈະພັດທະນາແນວໃດໃນອະນາຄົດ, ເພີ່ມທະວີຄວາມໝັ້ນໃຈຂອງປະຊາຊົນຈີນຕໍ່ການພັດທະນາໃນອະນາຄົດ, ພ້ອມກັນນັ້ນ ກໍ່ໃຫ້ປະຊາຊົນໂລກໄດ້ເຫັນຈີນທີ່ພັດທະນາຢ່າງຕັ້ງໜ້າ.
ຊາວເນັດຣູມານີອີກຄົນໜຶ່ງທີ່ຊື່ວ່ານາງ Alina Daniel ໄດ້ສະແດງຄວາມຊົມເຊີຍຕໍ່ຈີນທີ່ໄດ້ປະສົບຜົນສໍາເລັດໃນການຕໍ່ຕ້ານການສໍ້ຫຼາດບັງຫຼວງໃນຫຼາຍປີມານີ້. ນາງ Alina Daniel ກ່າວວ່າ, ທັດສະນະຄະຕິການປົກຄອງປະເທດ"4 ຮອບດ້ານ"ໄດ້ໃຫ້ພວກເຮົາໄດ້ເຫັນອີກຄັ້ງໜຶ່ງວ່າ ລັດຖະບານຈີນມີຄວາມຕັດສິນໃຈຕໍ່ຕ້ານການສໍ້ລາດບັງຫຼວງ, ເຊື່ອໝັ້ນວ່າພາຍໃຕ້ການນໍາພາຂອງພັກທີ່ສາມາດປັບປຸງຕົນເອງຢ່າງບໍ່ຢຸດຢັ້ງນັ້ນ, ປະຊາຊົນຈີນຈະສາມາດສ້າງປະເທດທີ່ເຂັ້ມແຂງ ແລະຮັ່ງມີຢ່າງແນ່ນອນ.