ກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນຊຸດທີ 12 ໄດ້ຮັບເອົາຍັດຕິ 522 ຂໍ້, ຕົ້ນຕໍໄດ້ສຸມໃສ່ຂົງເຂດນິຕິບັນຍັດ

ວັນທີ 10 ມີນານີ້, ທ່ານໂກ່ວເຈິ້ງຫວາ, ຮອງຫົວໜ້າໜ່ວຍງານຍັດຕິຂອງສຳນັກງານເລຂາຂອງກອງປະຊຸມຄັ້ງທີ 3 ຂອງສະພາປະຊາຊົນແຫ່ງຊາດຈີນຊຸດທີ 12 ແຈ້ງຂ່າວວ່າ, ນັບມາຮອດຕອນເຊົ້າວັນທີ 10 ມີນານີ້, ລວມໄດ້ຮັບເອົາຍັດຕິ 522 ຂໍ້, ເພີ່ມຂຶ້ນຫຼາຍກວ່າປີກາຍນີ້ປະມານ 10%. ໃນນັ້ນ, ຍັດຕິກ່ຽວກັບນິຕິບັນຍັດມີ 511 ຂໍ້.

ຜົນການວິເຄາະເບື້ອງຕົ້ນສະແດງໃຫ້ເຫັນວ່າ, ຍັດຕິຂອງປີນີ້ມີຈຸດພິເສດຢ່າງຈະແຈ້ງ, ບໍ່ພຽງແຕ່ເອົາໃຈໃສ່ນຳການກໍ່ສ້າງການເມືອງແບບປະຊາທິປະໄຕ, ການປະຕິຮູບລະບົບເສດຖະກິດ, ການປະຕິຮູບລະບົບຍຸຕິທຳແລະການປະຕິຮູບລະບົບທີ່ດິນເປັນຕົ້ນ, ຍັງໄດ້ເອົາໃຈໃສ່ນຳການອະນຸລັກສິ່ງແວດລ້ອມແລະຊີວະພາບ, ການນຳໃຊ້ຊັບພະຍາກອນສັງລວມແລະການພັດທະນາຂະແໜງການວັດທະນະທຳເປັນຕົ້ນ. ນອກນີ້, ຍັງໄດ້ສະເໜີໂຄງການນິຕິບັນຍັດທີ່ກ່ຽວຂ້ອງກ່ຽວກັບການເລັ່ງລັດການຕໍ່ສ້າງກົດໝາຍວ່າດ້ວຍຄວາມໝັ້ນຄົງຂອງຊາດແລະຊຸກຍູ້ການນິຕິບັນຍັດຕ້ານການສໍ້ລາດບັງຫຼວງຂອງຊາດ.