ຫວ່າງມໍ່ໆມານີ້, ທ່ານວິນເຊັນທ໌ ໂຄເອິນ, ນັກເສດຖະສາດຊັ້ນສູງຂອງອົງການຮ່ວມມືແລະພັດທະນາດ້ານເສດຖະກິດ ຫຼື OECD ໄດ້ໃຫ້ສຳພາດຕໍ່ນັກຂ່າວ CRI, ໂດຍໄດ້ອະທິບາຍຈັງຫວະເຕີບໂຕທາງດ້ານເສດຖະກິດຂອງຈີນທີ່ທ່ານຫຼີເຄີ້ສຽງ, ນາຍົກລັດຖະມົນຕີຈີນສະເໜີອອກໃນບົດລາຍງານວຽກງານຂອງລັດຖະບານໃນປີ 2015.
ທ່ານໂຄເອິນກ່າວວ່າ: "ໃນບົດລາຍງານວຽກງານຂອງລັດຖະບານ, ທ່ານຫຼີເຄີ້ສຽງໄດ້ກ່າວວ່າ, ເປົ້າໝາຍຂອງຈັງຫວະເຕີບໂຕທາງດ້ານເສດຖະກິດຂອງຈີນໃນປີ 2015 ແມ່ນຢູ່ໃນລະຫວ່າງ 7%. ເປົ້າໝາຍທີ່ຄາດໄວ້ນີ້ແມ່ນດີຫຼາຍ, ເພາະວ່າການເຕີບໂຕຂອງເສດຖະກິດ, ເບິ່ງແລ້ວຄືວ່າໄດ້ຊັກຊ້າລົງ, ແຕ່ຈະບັນລຸການເຕີບໂຕທີ່ໝັ້ນທ່ຽງແລະສົມເຫດສົມຜົນ."
ທ່ານກ່າວຕື່ມວ່າ: "ເມື່ອທຽບໃສ່ຈັງຫວະເຕີບໂຕໃນປີກາຍນີ້ຄື 7,4% ແລ້ວ, ເປົ້າໝາຍທີ່ຄາດໄວ້ໃນປີ 2015 ພຽງແຕ່ຊ້າລົງເລັກໜ້ອຍເທົ່ານັ້ນ, ແຕ່ຖ້າທຽບກັບອົງກອນເສດຖະກິດທີ່ສຳຄັນອື່ນໆໃນໂລກແລ້ວ, ຈັງຫວະນີ້ຍັງອ່າວໄວຢູ່. ຖ້າຫາກວ່າເສດຖະກິດຂອງໂລກໃນປີ 2015 ຍັງຊັກຊ້າຄືເກົ່າແລ້ວ, ກໍຄືສິ່ງທີ່ໄດ້ສະເໜີອອກໃນບົດລາຍງານວຽກງານຂອງລັດຖະບານ, ປະເທດຈີນຄວນສືບຕໍ່ປະຕິບັດນະໂຍບາຍເງິນຕາທີ່ໝັ້ນທ່ຽງແລະນະໂຍບາຍການເງິນທີ່ຕັ້ງໜ້າ. ເຖິງວ່າສະຖານະການສາກົນເປັນຕາຫ່ວງໃຍກໍຕາມ, ແຕ່ພວກຂ້າພະເຈົ້າຍັງມີຄວາມໝັ້ນໃຈຕໍ່ເສດຖະກິດຂອງຈີນທີ່ຈະບັນລຸການເຕີບໂຕໃນລະຫວ່າງ 7%."
 |
