ວັນທີ 12 ມີນານີ້ ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມກອງປະຊຸມຄົບຄະນະຜູ້ແທນທະຫານປົດປ່ອຍປະຊາຊົນຈີນທີ່ເຂົ້າຮ່ວມກອງປະຊຸມເທື່ອທີ 3 ຂອງສະພາປະຊາຊົນແຫ່ງຊາດຈີນສະໄໝທີ 12, ທ່ານສີຈິ້ນຜິງກ່າວເນັ້ນວ່າ ຕ້ອງລົງເລິກຜັນຂະຫຍາຍເນື້ອໃນຈິດໃຈຂອງກອງປະຊຸມໃຫຍ່ຄັ້ງທີ 18 ຂອງພັກແລະກອງປະຊຸມຄົບຄະນະເທື່ອທີ 3 ແລະທີ 4 ຂອງກອງປະຊຸມໃຫຍ່ຄັ້ງທີ 18 ຂອງພັກ, ຍຶດໝັ້ນຖືເອົາທິດສະດີເຕິ້ງສ້ຽວຜິງ, ແນວຄິດສຳຄັນ "ສາມຕົວແທນ", ທັດສະນະພັດທະນາຢ່າງມີວິທະຍາສາດເປັນທິດທາງຊີ້ນຳ, ປະຕິບັດຕາມການຈັດວາງດ້ານຍຸດທະສາດກ່ຽວກັບການສ້າງສັງຄົມທີ່ອິ່ມໜຳສຳລານໃຫ້ສຳເລັດຢ່າງຮອບ ດ້ານ, ລົງເລິກການປະຕິຮູບຢ່າງຮອບດ້ານ, ປົກຄອງປະເທດຕາມກົດໝາຍຢ່າງ ຮອບດ້ານແລະຄຸ້ມຄອງພັກຢ່າງເຂັ້ມງວດຮອບດ້ານ, ເລັ່ງລັດຊຸກຍູ້ການກໍ່ສ້າງດ້ານການປ້ອງກັນປະເທດແລະການກໍ່ສ້າງ ກອງທັບ, ຈັດຕັ້ງປະຕິບັດນະໂຍບາຍທຸກດ້ານຂອງຄະນະກຳມະການການທະຫານສູນກາງຢ່າງຕັ້ງໜ້າໃຫ້ໃກ້ຊິດຕິດແທດກັບສະພາບຕົວຈິງ, ລົງເລິກປະຕິ ບັດຍຸດທະສາດກອງທັບແລະປະຊາຊົນພັດທະນາແບບເຊື່ອມໂຍງເຂົ້າກັນ, ພະຍາຍາມບຸກເບີກສະພາບໃໝ່ແຫ່ງການສ້າງກອງທັບໃຫ້ເຂັ້ມແຂງແລະຈະເລີນເຕີບໃຫຍ່.
ເວລາທີ່ກອງປະຊຸມສິ້ນສຸດລົງ, ທ່ານສີຈິ້ນຜິງໄດ້ໄປຫາຜູ້ແທນສະພາປະຊາຊົນແຫ່ງຊາດທີ່ເປັນທະຫານມາຈາກຂັ້ນຮາກຖານແລະຖັນແຖວແນວໜ້າດ້ານການຄົ້ນຄວ້າວິທະຍາ ສາດ, ເພື່ອສອບຖາມກ່ຽວກັບສະພາບການເຮັດວຽກແລະຊີວິດການເປັນຢູ່ຂອງເຂົາເຈົ້າຢ່າງລະອຽດ ແລະສົ່ງເສີມໃຫ້ເຂົາເຈົ້າຝາກຕົວໄວ້ນຳຂັ້ນຮາກຖານ, ສ້າງຜົນງານທີ່ດີເດັ່ນເພື່ອປະກອບສ່ວນອັນໃໝ່ເຂົ້າໃນການບັນລຸເປົ້າໝາຍສ້າງກອງ ທັບໃຫ້ເຂັ້ມແຂງ.