ບົດລາຍງານຂອງຄະນະກໍາມະການເສດຖະກິດການເງິນສະພາຜູ້ແທນປະຊາຊົນແຫ່ງຊາດຈີນວ່າດ້ວຍສະພາບການປະຕິບັດງົບປະມານສູນກາງແລະທ້ອງຖິ່ນປີ 2014 ແລະຜົນການພິຈາລະນາກວດກາຮ່າງງົບປະມານສູນກາງແລະທ້ອງຖິ່ນປີ 2015 ທີ່ໄດ້ຮັບການຮອງຜ່ານໃນວັນທີ 12 ມີນານີ້ສະແດງໃຫ້ເຫັນວ່າ, ການປະຕິບັດງົບປະມານຂອງສູນກາງແລະທ້ອງຖິ່ນປີ 2014 ມີສະພາບທີ່ດີໂດຍລວມ.
ຄະນະກໍາມະການເສດຖະກິດການເງິນເຫັນວ່າ, ການປະຕິບັດງົບປະມານຂອງສູນກາງແລະທ້ອງຖິ່ນປີ 2014 ມີສະພາບທີ່ດີໂດຍລວມ. ຄະນະລັດຖະບານ ແລະອົງການປົກຄອງທ້ອງຖິ່ນຂັ້ນຕ່າງໆໄດ້ຕັ້ງໜ້າປະຕິບັດທິດທາງນະໂຍບາຍທີ່ກໍານົດໂດຍສູນກາງພັກ ແລະຂໍ້ກໍານົດຕ່າງໆທີ່ສະເໜີໂດຍກອງປະຊຸມຄັ້ງທີ 2 ຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ 12, ປະຕິບັດນະໂນບາຍການເງິນແບບຕັ້ງໜ້າ, ລາຍຮັບການເງິນໄດ້ສໍາເລັດງົບປະມານ, ລາຍຈ່າຍຕົ້ນຕໍໄດ້ຮັບການຄໍ້າປະກັນທີ່ດີ, ການປະຕິຮູບດ້ານລະບົບພາສີການເງິນໄດ້ຮັບຄວາມຄືບໜ້າທີ່ສໍາຄັນ, ການຄຸ້ມຄອງງົບປະມານໄດ້ຮັບການເພີ່ມຂຶ້ນຕື່ມອີກ, ການເງິນແຫ່ງຊາດໄດ້ເສີມຂະຫຍາຍບົດບາດທີ່ສໍາຄັນໃນການສົ່ງເສີມເສດຖະກິດໃຫ້ຂະຫຍາຍຕົວຢ່າງໝັ້ນທ່ຽງແລະປອດໃສ, ສົ່ງເສີມຄວາມກົມກຽວ ແລະສະເຖຍລະພາບຂອງສັງຄົມ.
