ຕອນບ່າຍວັນທີ 13 ມີນານີ້, ຫຼັງຈາກໄດ້ສຳເລັດວາລະປະຊຸມທຸກລາຍແລ້ວ, ກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນຄັ້ງທີ 3 ຊຸດທີ 12 ໄດ້ອັດລົງ. ໃນໄລຍະປະຊຸມ, ກຳມະການທັງຫຼາຍໄດ້ຍື່ນຄວາມເຫັນແລະຂໍ້ສະເໜີເກືອບພັນສະບັບ, ໂດຍໄດ້ທຳຄວາມພະຍາຍາມຢ່າງຕັ້ງໜ້າເພື່ອບັນລຸຄວາມຮັບຮູ້ທີ່ເປັນເອກະພາບກັນແລະເຕົ້າໂຮມກຳລັງສາມັກຄີ, ເຊິ່ງໄດ້ສະແດງໃຫ້ເຫັນເຖິງບົດບາດທີ່ສຳຄັນແລະເຂົ້າແທນບໍ່ໄດ້ຂອງສະພາປຶກສາການເມືອງປະຊາຊົນໃນຊີວິດການເມືອງຂອງລັດ.
ປີນີ້ແມ່ນປີທີ່ສຳຄັນໃນການລົງເລິກການປະຕິຮູບຢ່າງຮອບດ້ານ, ການທີ່ເຮັດວຽກງານຂອງປີນີ້ໃຫ້ດີນັ້ນແມ່ນມີຄວາມໝາຍທີ່ສຳຄັນ. ສະພາປຶກສາການເມືອງ ປະຊາຊົນໄດ້ເສີມຂະຫຍາຍບົດບາດທີ່ເປັນຊ່ອງທາງອັນສຳຄັນຂອງການປຶກສາຫາລືແບບປະຊາທິປະໄຕ ແລະເປັນອົງການປຶກສາຫາລືສະເພາະກິດ, ກຳມະການທັງຫຼາຍຂອງສະພາ ໄດ້ເສີມຂະຫຍາຍທ່າແຮງຂອງຕົນຢ່າງເຕັມສ່ວນທີ່ມີຄວາມຮູ້ດ້ານວິຊາການ ແລະໄດ້ຕິດຕໍ່ພົວພັນກັບມວນຊົນຢ່າງສະໜິດແໜ້ນ, ປະກອບຄຳຄິດຄຳເຫັນຢ່າງຕັ້ງໜ້າໃຫ້ແກ່ຜົນປະໂຫຍດຂອງປະຊາຊົນ, ເຊິ່ງຍ່ອມຈະອຸທິດສະຕິປັນຍາແລະກຳລັງວັງຊາຍິ່ງຫຼາຍກວ່າເກົ່າໃນຂະບວນການໃໝ່ແຫ່ງການຊຸກຍູ້ການຈັດວາງຍຸດທະສາດ "4 ຮອບດ້ານ".
ຖ້າຢາກຈະຈັດຕັ້ງປະຕິບັດການຈັດວາງຍຸດທະສາດ "4 ຮອບດ້ານ", ກໍຕ້ອງການການຮ່ວມມືລະຫວ່າງພັກການເມືອງ, ລັດແລະສັງຄົມ, ຕ້ອງການຄວາມພະຍາຍາມຮ່ວມກັນ, ການເຂົ້າຮ່ວມຢ່າງຕັ້ງໜ້າ ແລະການປະສານສົມທົບກັນຂອງພົນລະເມືອງໃນທົ່ວທັງຊາດ. ເມື່ອຈ້ອງມອງເບິ່ງອະນາຄົດແລ້ວເຫັນວ່າ, ຂະບວນການປະຊາທິປະໄຕແລະຂະບວນການຫັນການປົກຄອງໃຫ້ທັນສະໄໝຂອງຈີນຍ່ອມຈະຊຸກຍູ້ເຊິ່ງກັນແລະກັນ, ເອົາປະຊາທິປະໄຕມາຊຸກຍູ້ການຫັນການປົກຄອງໃຫ້ທັນສະໄໝ, ເປີດກວ້າງການເຂົ້າຮ່ວມໃນການປຶກສາຫາລືກັນ, ເປີດກວ້າງປະຊາທິປະໄຕໃນການເຂົ້າຮ່ວມ, ແລະຍົກລະດັບການປົກຄອງໃຫ້ສູງຂຶ້ນໃນປະຊາທິປະໄຕ.