ເລັດສັງຄົມອິ່ມໜຳສຳລານຢ່າງຮອບດ້ານ
ໃນຂອບທິດສະດີ "4 ຮອບດ້ານ" ທີ່ສະເໜີໂດຍທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນດິຈີນ, ການສ້າງສຳເລັດສັງຄົມທີ່ອິ່ນໜຳສຳລານຖືເປັນເປົ້າໝາຍລວມໃນທຸກວຽກງານຂອງພັກແລະລັດຖະບານໃນໄລຍະໃໝ່, ມີຖານະສຳຄັນທີ່ສຸດ. ສັງຄົມທີ່ອິ່ມໜຳສຳລານຢ່າງຮອບດ້ານນັ້ນແມ່ນສົນນຳການຍົກລະດັບໃຫ້ເສດຖະກິດ, ສັງຄົມແລະຄຸນທາດຂອງປະຊາຊົນຢ່າງຮອບດ້ານ. ໃນຫຼາຍມື້ມໍ່ໆມານີ້, ສື່ມວນຊົນແລະນັກວິຊາການຕ່າງປະເທດພາກັນຕີລາຄາຕໍ່ " 4 ຮອບດ້ານ" ຢ່າງສູງ, ໄດ້ຢືນຢັນຕໍ່ຈີນທີ່ສົນໃຈນຳການໃຫ້ການພັດທນະມີຄຸນນະພາບແລະມີຄວາມຍືນຍົງກໍ່ຄືພະຍາຍາມປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ໜັງສືພິມວໍຊິນຕັນໂພສຂອງອາເມລິກາສະບັບວັນທີ 5 ມີນານີ້ລາຍງານວ່າ, ຈີນໄດ້ປັບເປົ້າໝາຍເຕີບໂຕທາງເສດຖະກິດຈາກ 7,5% ໃຫ້ລົງເຖິງ 7%, ສະແດງໃຫ້ເຫັນວ່າລັດຖະບານຈີນພວມພະຍາຍາມຊອກຄົ້ນຫາກຳລັງບົ່ມຊ້ອນຂອງຄວາມຕ້ອງການທາງພາຍໃນ, ພ້ອມກັນນັ້ນຍັງຈະຊຸກຍູ້ໃຫ້ເສດຖະກິດພັດທະນາແບບຍືນຍົງ, ແລະຍິ່ງເອົາໃຈໃສ່ນຳບັນຫາສິ່ງແວດລ້ອມ.
ໜັງສືພິມໂຄໂມເຊັນຂອງຣັດເຊຍໄດ້ພິມບົດຄວາມໂດຍກ່າວວ່າ, ເຖິງວ່າຈັງຫວະເຕີບໂຕທາງເສດຖະກິດໄດ້ຊ້າລົງກໍ່ຕາມ, ແຕ່ປີກາຍນີ້ ຈີນມີຜູ້ປະກອບອາຊີບໃໝ່ 13 ລ້ານຄົນ, ນີ້ເປັນການຄ້ຳປະກັນອັນແຂງແຮງທີ່ໃຫ້ສັງຄົມຈີນມີສະເຖຍລະພາບ.
ແວັບໄຊ ໂຢໂລນິວສ ຂອງເອີລົບມີບົດຄວາມຂຽນວ່າ, ລັດຖະບານຈີນສະໜັບສະໜູນການພັດທະນາເສດຖະກິດດ້ວຍນະວະຕະກຳ, ເພື່ອໃຫ້ຄຸນນະພາບຂອງຜະລິດຕະພັນຕ່າງໆດີຂຶ້ນຕື່ມອີກ.
ໜັງສືພິມເຄອີຊາອີຊິມບຸນຂອງຍີ່ປຸ່ນສະບັບວັນທີ 12 ມີນານີ້ໄດ້ລາຍງານວ່າ, ແຕ່ລະຂໍ້ໃນທິດສະດີ "4 ຮອບດ້ານ" ແມ່ນເຄີຍຖືກວາງອອກຢ່າງໂດດດ່ຽວ, ແຕ່ການສະເໜີ 4 ຂໍ້ອອກພ້ອມກັນແມ່ນບໍ່ເຄີຍມີມາກ່ອນ, ນີ້ສະແດງໃຫ້ເຫັນເຖິງຄວາມຕັດສິນໃຈອັນເດັດດ່ຽວຂອງຈີນໃນການຊຸກຍູ້ການປະຕິຮູບ.
ຈາກ "ສ້າງສັງຄົມທີ່ອິ່ມໜຳສຳລານຢ່າງຮອບດ້ານ" ຮອດການ "ສ້າງສຳເລັດສັງຄົມທີ່ອິ່ມໜຳສຳລານຢ່າງຮອບດ້ານ" ເຖິງວ່າແມ່ນຕ່າງກັນແຕ່ຄຳສັບດຽວກັນທໍ່ນັ້ນ, ແຕ່ຊ້ຳພັດສະແດງໃຫ້ເຫັນເຖິງຄວາມໝັ້ນໃຈແລະຄວາມຕັດສິນໃຈຂອງພັກກອມມູນິດຈີນໃນການບັນລຸສັງຄົມອິ່ມໜຳສຳລານ. ນັກວິຊາການຕ່າງປະເທດບໍ່ໜ້ອຍກ່າວວ່າລັດຖະບານຈີນໄດ້ອອກແຮງປັບປຸບຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ນີ້ເຮັດໃຫ້ທົ່ວໂລກໄດ້ເຫັນພາບພົດທີ່ດີຂອງຈີນທີ່ພະຍາຍາມສູ້ຊົນກ້າວໄປໜ້າ.