ວັນທີ 15 ມີນານີ້,ຢູ່ທີ່ປັກກິ່ງ, ທ່ານຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ, ປີນີ້ແມ່ນສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນ ແລະ ສົງຄາມຕໍ່ຕ້ານຟາຊິດຂອງໂລກໄດ້ຮັບໄຊຊະນະຄົບຮອບ 70 ປີ, ຂ້າພະເຈົ້າເຫັນວ່າ,ໃນໂອກາດທີ່ສຳຄັນຄືແນວນີ້ຂອງປີນີ້, ສຳລັບການພົວພັນຈີນ-ຍີ່ປຸ່ນທັງເປັນການທົດສອບທັງເປັນໂອກາດ.
ຫຼັງຈາກກອງປະຊຸຄັ້ງທີ 3 ຂອງສະພາຜູ້ແທນປະຊາຊົນແຫ່ງຊາດຈີນຊຸດທີ 12 ອັດລົງແລ້ວ, ທ່ານຫຼີເຄີສຽງໄດ້ຈັດກອງປະຊຸມຂ່າວ ແລະ ຕອບຄຳຖາມຂອງນັກຂ່າວທັງຫຼາຍ. ທ່ານຫຼີເຄີສຽງໄດ້ໃຫ້ທັດສະນະດັ່ງກ່າວໃນເວລາຕອບຄຳຖາມກ່ຽວກັບການພົວພັນຈີນ-ຍີ່ປຸ່ນ
ທ່ານຫຼີເຄີ້ສຽງກ່າວວ່າ, ປັດຈຸບັນ, ການພົວພັນຈີນ-ຍີ່ປຸ່ນໄດ້ພົບຄວາມຫຍຸ້ງຍາກຢ່າງແທ້ຈິງ, ກົກຮາກຍັງແມ່ນຢູ່ນຳການຈະຮັກສາຄວາມຮັບຮູ້ທີ່ຖືກຕ້ອງຕໍ່ສົງຄາມເທື່ອນັ້ນ ແລະ ຕໍ່ປະຫວັດສາດໂດຍຕະຫຼອດໄດ້ຫຼືບໍ່. ການຍຶດໝັ້ນທັດສະນະປະຫວັດສາດອັນຕ້ອງຖືກ, ກໍຕ້ອງຖືປະຫວັດສາດເປັນແວ່ນແຍງ,ຫັນໜ້າໄປສູ່ອະນາຄົດ. ເວົ້າສຳລັບຜູ້ນຳປະເທດໃດໜຶ່ງແລ້ວ, ບໍ່ພຽງແຕ່ຕ້ອງສືບທອດຜົນງານຂອງຄົນລຸ່ນເກົ່າທໍ່ນັ້ນ, ກໍ່ຄວນແບກຫາບໜ້າທີ່ປະຫວັດສາດຍ້ອນຄົ້ນລຸ່ນເກົ່າທີ່ໄດ້ກະທຳຜິດ. ເມື່ອ 70 ປີກ່ອນ, ລັດທິລັດຖະທະຫານຂອງຍີ່ປຸ່ນກໍ່ສົງຄາມຮຸກຮານຈີນຂຶ້ນ, ໄດ້ສ້າງໄພພິບັດອັນຮ້າຍແຮງໃຫ້ແກ່ພວກເຮົາ, ໃນທີ່ສຸດກໍ່ເຮັດໃຫ້ປະຊາຊົນຍີ່ປຸ່ນໄດ້ຮັບຜົນກະທົບເຊັ່ນກັນ.
ທ່ານຫຼີເຄີ້ສຽງກ່າວວ່າ, ຖ້າວ່າຜູ້ນຳຍີ່ປຸ່ນສາມາດເບິ່ງປະຫວັດສາດຢ່າງຖືກຕ້ອງ, ແລະມີທ່າທີສະເໝີຕົ້ນສະເໝີປາຍ, ກໍຈະມີໂອກາດໃໝ່ໃນການປັບປຸງແລະ ຂະຫຍາຍການພົວພັນຈີນ-ຍີ່ປຸ່ນ, ກໍ່ຈະສ້າງເງື່ອນໄຂທີ່ດີເພື່ອຂະຫຍາຍການພົວພັນການຄ້າລະຫວ່າງຈີນ - ຍີ່ປຸ່ນ.