ເວລາ 9 ໂມງ 20 ນາທີຂອງວັນທີ 15 ມີນານີ້, ຢູ່ຫໍສະພາປະຊາຊົນແຫ່ງຊາດທີ່ນະຄອນຫຼວງປັກກິ່ງຂອງຈີນ, ຜູ້ແທນທີ່ເຂົ້າຮ່ວມກອງປະຊຸມເທື່ອທີ 3 ຂອງສະພາປະຊາຊົນແຫ່ງຊາດຈີນສະໄໝທີ 12 ໄດ້ລົງຄະແນນສຽງຕໍ່ບົດລາຍງານວຽກງານຂອງສານປະຊາຊົນສູງສຸດຈີນແລະ ອົງການໄອຍະການປະຊາຊົນສູງສຸດຈີນ.
ນັບແຕ່ປີ 2006 ເປັນຕົ້ນມາ, ອັດຕາການລົງຄະແນນສຽງເຫັນດີຕໍ່ບົດລາຍງານວຽກງານຂອງສອງອົງການດັ່ງກ່າວບໍ່ເຄີຍໄດ້ລື່ນກາຍ 85% ຈັກເທື່ອ, ໃນນັ້ນ, ອັດຕາຄະແນນສຽງເຫັນດີຕໍ່ບົດລາຍງານວຽກງານຂອງສານປະຊາຊົນສູງສຸດມີພຽງແຕ່ 3 ປີເທົ່ານັ້ນໄດ້ສູງກວ່າ 80%. ປີນີ້, ອັດຕາການລົງຄະແນນສຽງເຫັນດີຕໍ່ບົດລາຍງານວຽກງານຂອງສອງອົງການດັ່ງກ່າວໄດ້ສູງກວ່າ 85%, ໃນນີ້ ບົດລາຍງານວຽກງານຂອງສານປະຊາຊົນສູງສຸດໄດ້ບັນລຸເຖິງ 91%, ສຳລັບອົງການໄອຍະການປະຊາຊົນສູງສຸດກໍມີ 87,9%, ເຊິ່ງເປັນຜົນງານທີ່ດີທີ່ສຸດໃນຮອບ 10 ປີຜ່ານມາ.
 |
