ຕອນບ່າຍວັນທີ 13 ມີນານີີ້, ທ່ານຈ່າງເຕີຈ່ຽງ, ກໍາມະການກົມການເມືອງສູນກາງພັກກອມມູນິດຈີນ, ປະທານສະພາຜູ້ແທນປະຊາຊົນແຫ່ງຊາດຈີນ ໄດ້ເດີນທາງໄປສູນຖະແຫຼງຂ່າວຂອງກອງປະຊຸມຄັ້ງທີ 3 ຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ 12 ເພື່ອລົງຢ້ຽມຢາມ ແລະຕາງໜ້າຄະນະປະທານຂອງກອງປະຊຸມດັ່ງກ່າວ ສະແດງຄວາມຢື້ຢາມຖາມຂ່າວ ແລະຄວາມຂອບໃຈຕໍ່ຜູ້ປະຕິບັດງານດ້ານຖະແຫຼງຂ່າວທີ່ເຂົ້າຮ່ວມການລາຍງານຂ່າວກ່ຽວກັບກອງປະຊຸມດັ່ງກ່າວ. ທ່ານຈ່າງເຕີຈ່ຽງຊີ້ບອກວ່າ, ວຽກງານຖະແຫຼງຂ່າວຂອງກອງປະຊຸມປີນີ້ມີການກະກຽມຢ່າງເຕັມທີ່, ມີການຈັດຕັ້ງຢ່າງແຂງແຮງ, ມີເນື້ອໃນທີ່ອຸດົມສົມບູນ ແລະມີຜົນສະທ້ອນຢ່າງກວ້າງຂວາງ ເຊິ່ງໄດ້ປະກອບສ່ວນຢ່າງຕັ້ງໜ້າເຂົ້າໃນການສໍາເລັດຢ່າງຈົບງາມຂອງກອງປະຊຸມຄັ້ງນີ້.
ທ່ານຫຼີຈ້ຽນກົວ, ກໍາມະການກົມມະການກົມການເມືອງສູນກາງພັກກອມມູນິດຈີນ, ຮອງປະທານສະພາຜູ້ແທນປະຊາຊົນແຫ່ງຊາດຈີນ ແລະທ່ານຫວາງເສີນ, ຮອງປະທານ ທັງເປັນເລຂາທິການໃຫຍ່ສະພາຜູ້ແທນປະຊາຊົນແຫ່ງຊາດຈີນ ໄດ້ພ້ອມກັນລົງຢ້ຽມຢາມໃນຄັ້ງນີ້.
