ຜູ້ອໍານວຍການວິທະຍຸ Jordan Radio ກ່າວວ່າ, "ໜຶ່ງແລວທາງໜຶ່ງເສັ້ນທາງ"ຈະສ້າງອະນາຄົດໃໝ່ແຫ່ງການພັດທະນາການຮ່ວມມືຂອງສື່ມວນຊົນ
2015-03-23 16:19:21 cri
ກອງປະຊຸມໂຕະມົນຜູ້ນໍາສື່ມວນຊົນຂອງກອງປະຊຸມປະຈໍາປີຂອງເວທີປຶກສາຫາລືອາຊີໂປອາວ ຈະຈັດຂຶ້ນຢູ່ເມືອງໂປອາວ ແຂວງໄຫຫຼໍາຂອງຈີນໃນວັນທີ 26 ມີນານີ້. ເມື່ອບໍ່ດົນມານີ້, ໃນເວລາໃຫ້ສໍາພາດຕໍ່ນັກຂ່າວ, ທ່ານ Sari Traih, ຜູ້ອໍານວຍການວິທະຍຸ Jordan Radio ກ່າວວ່າ, ການກໍ່ສ້າງ"ໜຶ່ງແລວທາງໜຶ່ງເສັ້ນທາງ"ຈະສ້າງໂອກາດທີ່ດີໃຫ້ແກ່ບັນດາປະເທດທີ່ຢູ່ລຽບຕາມເສັ້ນທາງສາຍໄໝທາງທະເລໃນການລົງເລິກການຮ່ວມມືໃນຂົງເຂດຕ່າງໆ ເຊິ່ງລວມທັງການຮ່ວມມືດ້ານສື່ມວນຊົນ, ນອກນີ້, ການກໍ່ສ້າງ"ໜຶ່ງແລວທາງໜຶ່ງເສັ້ນທາງ"ກໍ່ຈະເພີ່ມທະວີການຮ່ວມມືແລະການໄປມາຫາສູ່ກັນລະຫວ່າງປະເທດຕ່າງໆ. ຂ້າພະເຈົ້າກໍ່ຫວັງຢາກມີສ່ວນຮ່ວມເຂົ້າໃນການກໍ່ສ້າງ"ໜຶ່ງແລວທາງໜຶ່ງເສັ້ນທາງ", ເພີ່ມທະວີການຮ່ວມມືກັບບັນດາປະເທດທີ່ຢູ່ລຽບຕາມເສັ້ນທາງສາຍໄໝ ໂດຍສະເພາະແມ່ນຈີນ. ວິທະຍຸ Jordan Radio ຍິນດີເພີ່ມທະວີການແລກປ່ຽນແລະການຮ່ວມມືກັບສື່ມວນຊົນຂອງປະເທດອື່ນໆ ເພື່ອຊຸກຍູ້ການແລກປ່ຽນດ້ານວັດທະນະທໍາລະຫວ່າງເຂດແຄວ້ນຕ່າງໆ ແລະປະເທດຕ່າງໆ.
