ຕອນເຊົ້າວັນທີ 28 ມີນານີ້, ພິທີໄຂກອງປະຊຸມປະຈຳປີ 2015 ຂອງເວທີປຶກສາຫາລືອາຊີໂປ໋ອາວໄດ້ຈັດຂຶ້ນຢູ່ເມືອງໂປ໋ອາວ ແຂວງໄຫຫຼຳຈີນ, ທ່ານສີຈີ້ນຜີງ ປະທານປະເທດຈີນໄດ້ເຂົ້າຮ່ວມພິທີ ແລະ ກ່າວຄຳປາໄສ.
ນັບແຕ່ວັນທີ 26 ມີນານີ້, ກອງປະຊຸມປະຈຳປີເທື່ອນີ້ຈະຈັດກິດຈະກຳທາງການ 70 ກວ່າລາຍໃນຂົງເຂດຕ່າງໆ ເຊັ່ນ, ເສດຖະກິດມະຫາພາກ, ການຮ່ວມມືພາກພື້ນ, ອຸດສາຫະກຳຫັນປ່ຽນຮູບແບບ, ການປະດິດສ້າງເຕັກໂນໂລຢີ, ຄວາມໝັ້ນຄົງທາງການເມືອງ ພ້ອມທັງສັງຄົມ ແລະ ຊີວິດການເປັນຢູ່ຂອງປະຊາຊົນ, ແລະຈະອັດລົງໃນວັນທີ 29 ມີນານີ້. ແຂກທີ່ມາຈາກປະເທດຕ່າງໆ 1 ພັນ 700 ກວ່າຄົນຈະລົງເລິກປຶກສາຫາລືໂດຍໝູນອ້ອມຫົວຂໍ້ "ອະນາຄົດໃໝ່ຂອງອາຊີ: ກ້າວໄປສູ່ປະຊາຄົມຮ່ວມໂຊກຊະຕາ".