ວັນທີ 30 ມີນານີ້, ທ່ານເຊີ່ນຈິ້ນເຄີ່, ໂຄສົກກອງທັບອາກາດຈີນກ່າວວ່າ, ກອງທັບອາກາດຈີນໄດ້ຈັດຕັ້ງທະຫານອາກາດເດີນທາງໄປມະຫາສະໝຸດປາຊິຟິກຕາເວັນຕົກດໍາເນີນການຊ້ອມຮົບໄກຝັ່ງທະເລເປັນຄັ້ງທໍາອິດ ເພື່ອຍົກສູງຄວາມສາມາດສູ້ຮົບໄກຝັ່ງທະເລຂອງກອງທັບອາກາດຈີນ.
ວັນທີ 30 ມີນານີ້, ກອງທັບອາກາດຈີນໄດ້ບິນຜ່ານຊ່ອງແຄບບາຊີ ແລະເດີນທາງໄປມະຫາສະໝຸດປາຊິຟິກຕາເວັນຕົກເພື່ອດໍາເນີນການຊ້ອມຮົບໄກຝັ່ງທະເລ ແລະໄດ້ເດີນທາງກັບຄືນໃນມື້ດຽວກັນ ໂດຍໄດ້ບັນລຸເປົ້າໝາຍຝຶກຊ້ອມທີ່ກໍານົດໄວ້ ແລະສໍາເລັດໜ້າທີ່ຢ່າງເຕັມທີ່.
ທ່ານເຊີ່ນຈິ້ນເຄີ່ກ່າວວ່າ, ການຈັດຕັ້ງການຊ້ອມຮົບໄກຝັ່ງທະເລ ເປັນວິທີຍົກສູງຄວາມສາມາດສູ້ຮົບຂອງກອງທັບອາກາດຢ່າງມີປະສິດທິຜົນ ທັງເປັນວິທີທົ່ວໄປຂອງປະເທດໃຫຍ່ດ້ານກອງທັບອາກາດ. ການຊ້ອມຮົບຂອງກອງທັບອາກາດຈີນໃນຄັ້ງນີ້ ແມ່ນປະຕິບັດຕາມແຜນການຝຶກຊ້ອມປະຈໍາປີ ທັງເປັນຄວາມຕ້ອງການແບບປົກກະຕິຂອງການປ້ອງກັນປະເທດ ແລະການກໍ່ສ້າງກອງທັບຂອງຈີນ.