ຈີນແລະສະຫະພາບເອີລົບສະຫຼອງການສ້າງການພົວພັນທາງການທູດຄົບຮອບ 40 ປີ
2015-05-06 16:19:52 cri
ວັນທີ 6 ພຶດສະພານີ້ ທ່ານສີຈິ້ນຜິງ ປະທານປະເທດຈີນກັບທ່ານຕຸສກ໊ ປະທານສະພາມົນຕີເອີລົບແລະທ່ານຢາງ ກຼາວເດີ ຈຸນເກີ ປະທານຄະນະກຳມາທິການສະຫະພາບເອີລົບໄດ້ສົ່ງສານອວຍພອນແກ່ກັນແລະກັນເພື່ອສະເຫຼີມສະຫຼອງຈີນກັບສະຫະພາບເອີລົບສ້າງສາຍພົວພັນທາງການທູດຄົບຮອບ 40 ປີ.
ໃນສານອວຍພອນ, ທ່ານສີຈິ້ນຜິງກ່າວວ່າ, ຕະຫຼອດໄລຍະ 40 ປີແຫ່ງການສ້າງຕັ້ງສາຍພົວພັນທາງການທູດມານີ້, ໂດຍມີຄວາມພະຍາຍາມຮ່ວມກັນຂອງສອງຝ່າຍ, ການພົວພັນຈີນກັບສະຫະພາບເອີລົບໄດ້ຮັບຄວາມຄືບໜ້າຢ່າງໃຫຍ່ຫຼວງ. ຈີນສຸດທີ່ເອົາໃຈໃສ່ນຳການຂະຫຍາຍການພົວພັນລະຫວ່າງຈີນກັບສະຫະພາບເອີລົບ, ຍິນດີຮ່ວມກັບຜູ້ນຳຂອງສະຫະພາບເອີລົບ, ຖືການສ້າງສາຍພົວພັນລະຫວ່າງຈີນກັບສະຫະພາບເອີລົບຄົບຮອບ 40 ປີເປັນໂອກາດທີ່ດີ, ຕັ້ງໜ້າຊຸກຍູ້ການສ້າງ ການພົວພັນຄູ່ຮ່ວມໃນ 4 ດ້ານລະຫວ່າງຈີນກັບສະຫະພາບເອີລົບ, ຊຸກຍູ້ການພົວພັນຄູ່ຮ່ວມຍຸດທະສາດຮອບດ້ານຈີນສະຫະພາບເອີລົບທີ່ຕ່າງຝ່າຍຕ່າງໄດ້ຮັບຜົນປະໂຫຍດແລະໄດ້ຮັບຜົນປະໂຫຍດຮ່ວມກັນໃຫ້ໄດ້ຮັບຄວາມຄືບໜ້າຫຼາຍກວ່າເກົ່າ.
ໃນສານອວຍພອນຂອງທ່ານຕຸສກ໊ ໄດ້ອວຍພອນໃຫ້ປະຊາຊົນແລະບັນດາປະເທດສະຫະພາບເອີລົບແລະຈີນຈົ່ງເດີນໄປສູ່ຜົນສຳເລັດບົນເສັ້ນທາງພັດທະນາການພົວພັນລະຫວ່າງສະຫະພາບເອີລົບກັບຈີນ, ເພື່ອຊຸກຍູ້ໃຫ້ການພົວພັນຄູ່ຮ່ວມຍຸດທະສາດຮອບດ້ານສະຫະພາບເອີລົບ-ຈີນໃຫ້ສູງຂຶ້ນສູ່ລະດັບໃໝ່.
ທ່ານຈຸນເກີກ່າວໃນສານອວຍພອນວ່າ, ການພົວພັນລະຫວ່າງສະຫະພາບເອີລົບກັບຈີນໄດ້ຮັບການພັດທະນາຢ່າງມະຫາສານໃນຂົງເຂດການເມືອງ, ເສດຖະກິດ, ວັດທະນະທຳແລະຂົງເຂດອື່ນໆ. ສະຫະພາບເອີລົບຈະສຸມໃສ່ການຊຸກຍູ້ການພົວພັນຄູ່ຮ່ວມຍຸດທະສາດຮອບດ້ານສະຫະພາບເອີລົບ-ຈີນ, ຄອງຄອຍຮ່ວມກັບຈີນຊຸກຍູ້ການພັດທະນາໂດຍສັນຕິ, ວັດທະນາຖາ ວອນແລະຍືນຍົງ, ສ້າງຄວາມສຸກໃຫ້ແກ່ທັງສອງຝ່າຍສະຫະພາບເອີລົບກັບຈີນກໍ່ຄືທົ່ວໂລກ.
