ວັນທີ 5 ພຶດສະພານີ້, ອົງການສະຫະປະຊາຊາດຈັດກອງປະຊຸມລະລຶກສົງຄາມໂລກຄັ້ງທີສອງສິ້ນສຸດລົງຄົບຮອບ 70 ປີ, ເພື່ອລະລຶກເຖິງຜູ້ປະສົບເຄາະຮ້າຍໃນສະໄໝສົງຄາມແລະກ່າວຢ້ຳວ່າການສ້າງອົງການສະຫະປະຊາຊາດແມ່ນເພື່ອຫຼີກເວັ້ນບໍ່ໃຫ້ເກີດສົງຄາມອີກຄັ້ງໃໝ່.
ກ່ອນຈະຈັດກອງປະຊຸມລະລຶກ, ທ່ານບານກີມູນ, ເລຂາທິການໃຫຍ່ອົງການສະຫະປະຊາຊາດກ່າວວ່າ, ກ່ອນໜ້ານີ້ 70 ປີ, ຜູ້ລິເລີ່ມສ້າງອົງການສະຫະປະຊາຊາດຫວັງວ່າມະນຸດສາມາດກ້າວອອກຈາກຄວາມຢ້ານກົວ, ແລະກ້າວໄປສູ່ອະນາຄົດທີ່ດີງາມກວ່າເກົ່າ. ທ່ານບານກີມູນກ່າວວ່າ, ໃນ 70 ປີມານີ້, ອົງການສະຫະປະຊາຊາດໄດ້ຮັບຜົນງານທີ່ໜ້າພາກພູມໃຈ, ແຕ່ວ່າເສັ້ນທາງທີ່ກ້າວໄປໜ້າບໍ່ຮາບພຽງ, ໃນໂລກປັດຈຸບັນຍັງມີການປະທະກັນແລະຄວາມປັ່ນປ່ວນຢ່າງຫຼວງຫຼາຍ. ທ່ານກ່າວວ່າ, ຫວັງປາກຖືໂອກາດນີ້, ລະລຶກເຖິງຄົນທັງຫຼາຍທີ່ເສຍຊີວິດໃນຂະບວນການປະຕິບັດ "ກົດບັດສະຫະປະຊາດ", ແລະກ່າວຢ້ຳຄຳໝັ້ນສັນຍາການບັນລຸເປົ້າໝາຍແລະຄວາມປາດຖະໜາຂອງອົງການສະຫະປະຊາຊາດ.
ໃນກອງປະຊຸມລະລຶກດັ່ງກ່າວ, ຜູ້ຕາງໜ້າຂອງປະເທດສະມາຊິກອົງການສະຫະປະຊາຊາດຄື ຈີນ, ຣັດເຊຍ, ອາເມລິກາ, ເຢຍລະມັນແລະສະຫະພາບເອີລົບເປັນຕົ້ນໄດ້ກ່າວຄຳປາໄສ, ລະລຶກເຖິງຜູ້ສະສົບເຄາະຮ້າຍໃນສະໄໝສົງຄາມໂລກຄັ້ງທີສອງແລະກ່າວຢ້ຳສຸດປະສົງແລະຫຼັກການຂອງ "ກົດບັດອົງການສະຫະປະຊາຊາດ"
 |
