ໜັງສືພິມ business world ຂອງຟີລິບປີນລາຍງານວ່າ, ຫວ່າງມໍ່ໆມານີ້, ທະນາຄານພັດທະນາອາຊີຫຼື ADB ໄດ້ດັດແກ້ຂໍ້ກຳນົດທີ່ໃຊ້ໃນປັດຈຸບັນ, ຍົກສູງວົງເງິນກູ້ຢືມແລະຊ່ວຍເຫຼືອຂຶ້ນ 50% ຄືຍົກສູງຂຶ້ນເປັນ 20 ຕື້ໂດລາ, ແລະຍັງຈະກຽມທຶນຕື່ມອີກໃຫ້ແກ່ໂຄງການ PPP ຂອງອາຊີ.
ໜັງສືພິມ business world ຍັງໄດ້ຊີ້ອອກວ່າ, ຄຽງຄູ່ກັບທະນາຄານລົງທຶນພື້ນຖານໂຄງລ່າງອາຊີທີ່ຈີນລິເລີ່ມນັ້ນໄດ້ພັດທະນາຂຶ້ນ, ເຮັດໃຫ້ທະນາຄານພັດທະນາອາຊີທີ່ຍີ່ປຸ່ນແລະອາເມລິກາເປັນຜູ້ກໍ່ຕັ້ງນັ້ນເກີດມີການປ່ຽນແປງ, ເພື່ອຮັກສາຖານະແກນກາງຂອງຕົນໃນດ້ານການສະໜັບສະໜູນການກໍ່ສ້າງພື້ນຖານໂຄງລ່າງຂອງອາຊີ. ທ່ານທະເຄຮິໂກ ນາຄາໂອ, ຜູ້ວ່າການທະນາຄານພັດທະນາອາຊີກ່າວວ່າ, ໂຄງການ 80% ຂອງທະນາຄານພັດທະນາອາຊີຫຼື ADB ແມ່ນກ່ຽວພັນກັບພື້ນຖານໂຄງລ່າງ, ທະນາຄານພັດທະນາອາຊີໄດ້ກຽມພ້ອມແລ້ວຈະດຳເນີນການຮ່ວມມືກັບທະນາຄານລົງທຶນພື້ນຖານໂຄງລ່າງອາຊີ.