ກອງປະຊຸມສົນທະນາຂະແໜງການເຊື່ອມໂຍງເຊື່ອມຈອດກັນອາຊີເອີຣົບໄດ້ຈັດຂຶ້ນໃນວັນທີ 27 ພຶດສະພານີ້ທີ່ນະຄອນຈຸ່ງກິ່ງແຂວງເສສວນຂອງຈີນ. ທ່ານຈ່າງກ່າວລີ້ ກຳມະການປະຈຳກົມການເມືອງສູນກາງພັກກອມມູນິດຈີນ, ຮອງນາຍົກລັດຖະມົນຕີຈີນໄດ້ກ່າວຄຳປາໄສພາຍໃຕ້ຫົວຂໍ້ຫຼັກໃນພິທີເປີດກອງປະຊຸມຄັ້ງນີ້.
ທ່ານຈ່າງກ່າວລີ້ກ່າວວ່າ: ຈີນເປັນສະມາຊິກຂອງວົງຄະນະຍາດເອີຣົບອາຊີ, ການພັດທະນາຂອງຈີນມີຄວາມສະໜິດແໜ້ນທີ່ແຍກຕົວອອກຈາກການພັດທະນາດໂດຍລວມຂອງອາຊີເອີຣົບບໍ່ໄດ້. ຂໍ້ລິເລີ່ມຂອງຈີນກ່ຽວກັບ "ແລວທາງເສດຖະກິດເສັ້ນທາງສາຍໄໝແລະເສັ້ນທາງສາຍໄໝທາງທະເລສະຕະວັດທີ 21"ຫຼື "ໜຶ່ງແລວທາງໜຶ່ງເສັ້ນທາງ"ໄດ້ຮັບການສະໜັບສະໜູນຢ່າງຕັ້ງໜ້າຈາກປະເທດທີ່ຢູ່ລຽບຕາມ"ໜຶ່ງແລວທາງໜຶ່ງເສັ້ນທາງ" ເຊິ່ງໄດ້ກາຍເປັນຄວາມມຸ້ງມາດປາຖະໜາຮ່ວມທີ່ພິຈາລະນາເຖິງຜົນປະໂຫຍດຂອງບັນດາຝ່າຍແລະສ່ອງແສງເຖິງຄວາມຮຽກຮ້ອງຕ້ອງການຂອງບັນດາຝ່າຍຢ່າງທົ່ວເຖິງ. "ໜຶ່ງແລວທາງໜຶ່ງເສັ້ນທາງ" ກັບການເຊື່ອມໂຍງເຊື່ອມຈອດກັນແມ່ນມີລັກສະນະຄ້າຍຄືກັນແລະຕ່າງຊ່ວຍຊູຍູ້ໜູນກັນ, ການຮ່ວມມືຂອງຂະແໜງການເຊື່ອມຈອດກັນໃນອາຊີເອີຣົບມີອະນາຄົດອັນສົດໃສ. ກອງປະຊຸມໃນຄັ້ງນີ້ມີຫົວຂໍ້ວ່າ:"ການປະດິດສ້າງຊັກນຳການເຄື່ອນໄຫວ, ຊຸກຍູ້ການເຊື່ອມຈອດກັນຂອງອາຊີເອີຣົບ", ຜູ້ນຳແລະຜູ້ຕາງໜ້າທີ່ມາຈາກຫຼາຍປະເທດອາຊີເອີຣົບໄດ້ເຂົ້າຮ່ວມກອງປະຊຸມໃນຄັ້ງນີ້, ທ່ານຊຸນເຈິ້ງສາຍ ກຳມະການກົມການເມືອງສູນກາງພັກກອມມູນິດຈີນ, ເລຂາຄະນະພັກນະຄອນຈຸ່ງກິ່ງແຂວງເສສວນຈີນໄດ້ເຂົ້າຮ່ວມພິທີເປີດກອງປະຊຸມໃນຄັ້ງນີ້.