ເມື່ອບໍ່ດົນມານີ້, ທ່ານນາຈິບ ຕູນ ຣາຊັກ, ນາຍົກລັດຖະມົນຕີມາເລເຊຍກ່າວວ່າ, ຄາດວ່າອັດຕາການເຕີບໂຕສະເລ່ຍຕໍ່ປີຂອງຍອດມູນຄ່າຜະລິດຕະພັນແຫ່ງຊາດ ຫຼື GNP ມາເລເຊຍແຕ່ປີ 2016 ຫາ 2020 ນັ້ນ ຈະຮັກສາຢູ່ໃນລະດັບ 5% ຫາ 6%, ອັດຕາເຕີບໂຕສະເລ່ຍຕໍ່ປີຂອງລາຍໄດ້ແຫ່ງຊາດມາເລເຊຍໃນໄລຍະດຽວກັນຈະບັນລຸເຖິງ 7,9%.
ໃນອາທິດແລ້ວນີ້, ມາເລເຊຍໄດ້ປະກາດແຜນການ 5 ປີຟື້ນຟູຄວາມຈະເລີນຂອງເສດຖະກິດສະບັບໜຶ່ງທີ່ມີມູນຄ່າ 72 ຕື້ໂດລາ. ທ່ານນາຈິບກ່າວວ່າ, ພາຍໃຕ້ບົດບາດຂອງແຜນການ 5 ປີສະບັບດັ່ງກ່າວ, ຈະສ້າງ 1 ລ້ານ 5 ແສນຕໍາແໜ່ງທີ່ມີລາຍໄດ້ສູງໃນຂົງເຂດພະລັງງານນິວເຄລຍ, ໂທລະຄົມ ແລະການກໍ່ສ້າງພື້ນຖານໂຄງລ່າງ, ເມື່ອຮອດປີ 2020, ມາເລເຊຍມີຄວາມຫວັງຈະກາຍເປັນປະເທດທີ່ພັດທະນາ ແລະມີຖານະນໍາໜ້າດ້ານເສດຖະກິດໃນບັນດາປະເທດອາຊີຕາເວັນອອກສຽງໃຕ້, ລາຍໄດ້ສະເລ່ຍຕໍ່ຄົນຂອງມາເລເຊຍໃນປີ 2020 ຈະເພີ່ມຈາກ 10.796 ໂດລາສະຫະລັດໃນປີ 2014 ຂຶ້ນຮອດ 15.690 ໂດລາສະຫະລັດ.
