ວັນທີ 26 ພຶດສະພານີ້, ທ່ານໂອເລັກ ໂບຊິກາເຣັຟ, ຮອງປະທານຄະນະກຳມະການອຸດສະຫະກຳການທະຫານຂອງລັດຖະບານຣັດເຊຍກ່າວວ່າ: ສຸດທ້າຍນີ້, ຣັດເຊຍຕົກລົງຈະບໍ່ຈັດຊື້ກຳປັ່ນສະເທືອນນ້ຳສະເທືອນບົກ Mistral-class ຂອງຝຣັ່ງນຳອີກ, ປະຈຸບັນ, ບັນຫາທີ່ຣັດເຊຍແລະຝຣັ່ງຮ່ວມກັນປຶກສາຫາລືກັນນັ້ນແມ່ນຝຣັ່ງຄວນຖອນເງິນຄືນຈຳນວນເທົ່າໃດໃຫ້ກັບຣັດເຊຍ.
ປີ 2011ຜ່ານມາ, ຣັດເຊຍແລະຝຣັ່ງໄດ້ເຊັນສັນຍາກ່ຽວກັບຝຣັ່ງຈະສ້າງກຳປັ່ນສະເທືອນນ້ຳສະເທືອນບົກ Mistral-class ສອງລຳໃຫ້ແກ່ຣັດເຊຍ, ໂດຍມີມູນຄ່າລວມເຖິງ 1 ຕື້ 200 ລ້ານເອີໂຣ. ອີງຕາມສັນຍາ, ປີ 2014 ແລະປີ 2015, ຝຣັ່ງຕ່າງກໍ່ຈະມອບກຳປັ່ນລຳໜຶ່ງໃຫ້ແກ່ຣັດເຊຍ. ເນື່ອງຈາກວ່າຝຣັ່ງໄດ້ແກ່ຍາວເວລາໃນການມອບກຳປັ່ນໃຫ້ກັບຣັດເຊຍໂດຍຖືວິກິດການອຸແກຣນເປັນຂໍ້ອ້າງເປັນເວລາຫຼາຍຄັ້ງ, ຝ່າຍຣັດເຊຍກ່າວວ່າ: ຖ້າວ່າຝ່າຍຝຣັ່ງບໍ່ສາມາດປະຕິບັດຕາມສັນຍາສະບັບດັ່ງກ່າວເພື່ອມອບສອງລຳໃຫ້ກັບຣັດເຊຍຕາມເວລາກຳນົດ, ຣັດເຊຍຈະຮ້ອງຟ້ອງເພື່ອຮຽກເອົາຄ່າປັບໄໝນຳຝຣັ່ງ.
 |
