ກະຊວງໂຍທາທິການ ແລະ ຂົນສົ່ງ (ຍທຂ) ແລະ ນະຄອນຫຼວງວຽງຈັນ (ນວ) ກຳລັງລິເລີ່ມໂຄງການປັບປຸງລະບົບການຂົນສົ່ງຮ່ວມ
ກັບອົງການໄຈກາ ໃນການສຳຫຼວດລະບົບການຂົນສົ່ງແບບທັນສະໄໝ ເຊິ່ງຈະມີການຕິດຕັ້ງລະບົບບອກຕຳ ແໜ່ງລົດເມ ແລະ ລະ
ບົບບອກຂໍ້ມູນສະພາບການຈະລາຈອນ ເຊິ່ງສາມາດໃຫ້ຂໍ້ມູນສະພາບຄວາມແອອັດ ຂອງການຈະລາຈອນຕາມຖະໜົນໄດ້ ໂດຍການ
ຈັບຄື້ນສັນຍານເຊັນເຊີຈາກໂທລະສັບມືຖື.
ພະແນກ ຍທຂ ນະຄອນຫຼວງວຽງຈັນ ໃຫ້ຮູ້ວ່າ: ການປັບປຸງການຂົນສົ່ງແບບທັນສະໄໝ ແລະ ໃຫ້ບໍລິການລົດເມແບບທັນສະໄໝ ນີ້,
ແມ່ນເນື່ອງຈາກ ສະພາບການຈະລາຈອນຢູ່ ນະຄອນຫຼວງວຽງຈັນ ເພີ່ມຂຶ້ນຢ່າງໄວວາຂອງຈຳນວນພາຫະນະເຊິ່ງຖືວ່າເປັນບັນຫາໜຶ່ງ
ໃນບັນຫາສຳຄັນ ທີ່ຕ້ອງໄດ້ແກ້ໄຂຢ່າງຮີບດ່ວນ, ສະນັ້ນ ຈຶ່ງຄາດວ່າຖ້າຫາກປະຊາຊົນຫັນມານຳໃຊ້ລົດເມສາທາລະນະຫຼາຍຂຶ້ນ ຈະ
ສາມາດຊ່ວຍຫຼຸດຜ່ອນການຈະລາຈອນແອອັດ,ສຳລັບຜູ້ໂດຍສານທີ່ໃຊ້ລົດເມສາທາລະນະຂອງ ນວ ຈະສາມາດຮັບຂໍ້ມູນສາຍທາງ
ຂອງຕົນເອງ ແລະ ສາມາດກວດສອບຈຸດຕຳແໜ່ງລົດເມທີ່ກຳລັງແລ່ນໃຫ້ບໍລິການຢູ່ ໂດຍຜ່ານໂທລະສັບມືຖືສະມາດໂຟນ ຈຶ່ງບໍ່ຈຳ
ເປັນເສຍເວລາຖ້າລົດເມທີ່ປ້າຍລົດເມ ຫຼື ຕາມແຄມຖະໜົນເປັນເວລາດົນ ສຳລັບການຕິດຕັ້ງລະບົບບອກຈຸດຕຳແໜ່ງລົດເມທັງໝົດ
ໃສ່ລົດເມ 55 ຄັນ ແລະ ອຸປະກອນການກວດສອບຕ່າງໆ ຈະດຳເນີນໃນເດືອນສິງຫາ 2015 ແລະ ຈະເລີ່ມໃຫ້ບໍລິການໃນເດືອນ
ຕຸລາ 2015.
ແນວໃດກໍດີ, ເມື່ອບໍ່ດົນມາ ນີ້, ທ່ານ ດຣ ບຸນຈັນ ສິນທະວົງລັດຖະມົນຕີວ່າການກະຊວງກະຊວງໂຍທາທິການ ແລະຂົນສົ່ງໄດ້ເປີດ
ເຜີຍໃນກອງປະຊຸມໃຫຍ່ອົງຄະນະພັກກະຊວງວ່າ: ສະພາບການສັນຈອນແອອັດໃນປັດຈຸບັນແມ່ນເກີດຈາກຈຳນວນພາຫະນະ ເພີ່ມຂຶ້ນ
ສະເລ່ຍ 15% ຕໍ່ປີ, ມີການຈອດ ລົດແບບຊະຊາຍຫລາຍຕາມແຄມທາງ, ລະບົບການຂົນສົ່ງສາທາລະນະຍັງບໍ່ດີ, ການຄຸ້ມຄອງຈະ
ລາຈອນບໍ່ເປັນລະບົບຄົບຊຸດ ແລະ ສະຕິເຄົາລົບລະບຽບກົດໝາຍຂອງຜູ້ຂັບຂີ່ຈຳນວນໜຶ່ງຍັງບໍ່ທັນສູງ, ເປັນສາ ເຫດໃຫ້ ມີສະພາບ
ການສັນຈອນແອອັດເກີດຂຶ້ນ
ທ່ານ ລັດຖະມົນຕີວ່າການກະຊວງໂຍທາ ກ່າວວ່າ: ເພື່ອຮອງຮັບສະພາບການສັນຈອນທີ່ເພີ່ມຂຶ້ນໃນຕົວເມືອງນີ້, ນັບແຕ່ປີ 2005
ເປັນຕົ້ນມາ, ກະຊວງໂຍທາທິການ ແລະ ຂົນສົ່ງ, ໄດ້ມີຄວາມພະຍາມຍາມໃນການຄົ້ນຄວ້າບັນດານິຕິ ກຳ, ມາດຕະການ ແລະ ແຜນ
ດຳເນີນງານຫລາຍໂຄງການເປັນຕົ້ນແມ່ນສ້າງແຜນຍຸດທະສາດການຂົນສົ່ງແບບ ຍືນ ຍົງຕໍ່ສິ່ງແວດລ້ອມ, ໂດຍໄດ້ຮັບການຊ່ວຍ
ເຫລືອຈາກອົງການສະຫະປະຊາຊາດ, ໃນປີ 2008ອົງການໄຈກາປະເທດຍີປຸ່ນໄດ້ໃຫ້ການຊ່ວຍເຫລືອສ້າງແຜນແມ່ບົດການຂົນສົ່ງ
ສາທາລະນະໃນຕົວເມືອງວຽງຈັນ, ໂດຍໄດ້ຊ່ວຍ ເຫລືອລົດເມຂະໜາດ 45 ບ່ອນນັ່ງຈຳນວນ 42 ຄັນໃຫ້ນະຄອນຫລວງວຽງຈັນໃນ
ປີ 2012.
ນອກຈາກນີ້ລັດຖະບານຍັງໄດ້ຮັບຮອງເອົາໂຄງການແກ້ໄຂການສັນຈອນແອອັດແບບຍືນຍົງຢູ່ນະຄອນຫລວງວຽງຈັນດ້ວຍເງິນກູ້ຈາກ
ທະນາຄານພັດທະນາອາຊີ (ADB) ແລະ ອົງການສາກົນຈຳນວນໜຶ່ງລວມມູນຄ່າ 98 ລ້ານໂດລາສະຫະລັດ, ເຊິ່ງປະກອບມີ: ການ
ຈັດຊື້ລົດເມຄວາມໄວສູງ (BRT) ຈຳນວນ 92 ຄັນ, ກໍ່ສ້າງສະຖານີ ຈອດສອງແຫ່ງໃນຕົວເມືອງ, ປັປປຸງບ່ອນຈອດລົດ, ທາງຍ່າງ
ໃນຕົວເມືອງໃຫ້ຮັບປະກັນຄວາມປອດໄພ, ປັບປຸງລະບົບຄຸ້ມຄອງການຈໍລະຈອນ, ເຊິ່ງຄາດວ່າໂຄງການດັ່ງກ່າວຈະໄດ້ເລີ່ມຈັດຕັ້ງປະ
ຕິບັດໃນປີ 2017 ແລະ ຈະສຳເລັດ ໃນທ້າຍປີ 2018 ເຊິ່ງຈະສາມາດແກ້ໄຂສະພາບການສັນຈອນແອອັດໃນຕົວເມືອງໄດ້ໂດຍພື້ນ
ຖານ ຈາກການສ້າງລະ ບົບຂົນສົ່ງສາທາລະນະທີ່ມີຄວາມສະດວກແທນການນຳໃຊ້ພາຫະນະສ່ວນຕົວເທື່ອລະກ້າວ, ທັງຈະມີບ່ອນ
ຈອດລົດ, ລະບົບທາງຍ່າງທີ່ສະດວກປອດໄພ ແລະ ການປັບປຸງທັດສະນີຍະພາບໃນຕົວເມືອງທີ່ຂຽວສົດງົດງາມນຳດ້ວຍ.
