ຕາມຂ່າວCRI: ວັນທີ 29 ສິງຫານີ້, ທ່ານສີຈິ້ນຜິງ, ປະທານປະເທດຈີນໄດ້ລົງນາມໃນດຳລັດປະທານປະເທດກ່ຽວກັບການນີລະໂທດພິເສດ, ໂດຍອີງຕາມຂໍ້ຕົກລົງກ່ຽວກັບການນີລະໂທດພິເສດຕໍ່ນັກໂທດທີ່ກຳລັງຕິດຄຸກຈຳນວນໜຶ່ງຂອງຄະນະກຳມະການປະຈຳສະພາປະຊາຊົນແຫ່ງຊາດຈີນທີ່ໄດ້ຮັບຮອງໃນກອງປະຊຸມຄັ້ງທີ 16 ຂອງຄະນະກຳມະການປະຈຳສະພາປະຊາຊົນແຫ່ງຊາດຈີນສະໄໝທີ 12, ປະຕິບັດການນີລະໂທດພິເສດຕໍ່ນັກໂທດຜູ້ກຳລັງຕິດຄຸກທີ່ເຄີຍເຂົ້າຮ່ວມສົງຄາມຕໍ່ຕ້ານຍີ່ປຸ່ນສົງຄາມປົດປ່ອຍແລະອື່ນໆທັງໝົດ 4 ປະເພດ.
ດຳລັດປະທານປະເທດກ່ຽວກັບການນີລະໂທດພິເສດໄດ້ຊີ້ອອກວ່າ, ສຳລັບນັກໂທດຜູ້ກຳລັງຕິດຄຸກເຊິ່ງສອດຄ່ອງກັບເງື່ອນໄຂ ດັ່ງກ່າວໃນວັນທີ 29 ສິງຫາປີ 2015ນີ້,ຜ່ານການຕັດສິນຂອງສານປະຊາຊົນ, ຈະໄດ້ຮັບການປ່ອຍຕົວ.
