ຕໍ່ກໍລະນີທີ່ລັດຖະບານຍິ່ປຸ່ນສະແດງຄວາມບໍ່ພໍໃຈອີກຄັ້ງໜຶ່ງຕໍ່ທ່ານບັນກີມູນ, ເລຂາທິການໃຫຍ່ອົງການສະຫະປະຊາຊາດຈະເຂົ້າຮ່ວມກິດຈະກຳສວນສະໜາມທີ່ປັກກິ່ງຂອງຈີນ, ວັນທີ 31 ສິງຫາແລ້ວນີ້, ທ່ານສເຕຟານ ດູຈາຣິກ, ໂຄສົກຂອງເລຂາທິການໃຫຍ່ອົງການສະຫະປະຊາຊາດໄດ້ກ່າວວ່າ: ຕາຕະລາງຂອງທ່ານບັນກີມູນເຂົ້າຮ່ວມກິດຈະກຳສວນສະໜາມທີ່ປັກກິ່ງຂອງຈີນຈະບໍ່ມີການປ່ຽນແປງ, ທ່ານບັນກີມູນເຊື່ອວ່ານີ້ແມ່ນໂອກາດທີ່ດີໃນການທົບທວນຄືນປະຫວັດສາດແລະກ້າວໄປສູ່ອະນາຄົດທີ່ສົດໃສບົນພື້ນຖານທີ່ຖອດຖອນບົດຮຽນທາງລົບຈາກປະຫວັດສາດ, ນີ້ກໍຄືສາເຫດທີ່ທ່ານຈະເຂົ້າຮ່ວມກິດຈະກຳຄັ້ງນີ້.
ທ່ານດູຈາຣິກກ່າວຕື່ມວ່າ: ທ່ານບັນກີມູນຫວັງວ່າປະເທດທັງໝົດລ້ວນແລ້ວແຕ່ສາມາດນຳໃຊ້ໂອກາດນີ້ເພື່ອທົບທວນຄືນປະຫວັດສາດແລະມຸ່ງໜ້າສູ່ອະນາຄົດ.
ນີ້ແມ່ນອົງການສະປະຊາຊາດຕອບໂຕ້ຍີ່ປຸ່ນໃນກໍລະນີທີ່ສ້າງຄວາມສົງໄສຕໍ່ທ່ານຈະເຂົ້າຮ່ວມກິດຈະກຳສວນສະໜາມທີ່ປັກກິ່ງຂອງຈີນເປັນຄັ້ງທີສອງແລ້ວ.