ກ້ອນກຳລັງແລະຄະນະຜູ້ແທນຂອງກອງທັບຈາກ17ປະເທດຂອງ5ມະຫາທະວີບໄດ້ເຂົ້າຮ່ວມການສວນສະໜາມໃນພິທີລະນຶກໄຊຊະນະສົງຄາມປະຊາຊົນຈີນຕໍ່ຕ້ານຟາຊິດຍີ່ປຸ່ນແລະສົງຄາມຕໍ່ຕ້ານຟາຊິດຂອງໂລກຄົບຮອບ70ປີ. ນີ້ເປັນຄັ້ງທຳອິດທີ່ຈີນເຊື້ອເຊີນກອງທັບຕ່າງປະເທດມາເຂົ້າຮ່ວມການສວນສະໜາມ.
ໂດຍມີ11ປະເທດເຊິ່ງລວມທັງຣັດເຊຍ,ເບຣູອາຊີ, ກູບາເປັນຕົ້ນໄດ້ສົ່ງກ້ອນກຳລັງມາເຂົ້າຮ່ວມການສວນສະໜາມ, ແຕ່ລະກ້ອນກຳລັງມີຈຳນວນພົນປະມານ75ຄົນ. 6ປະເທດເຊິ່ງລວມທັງລາວ, ກຳປູເຈຍ, ອັຟການີສະຖານ, ແລະເວເນຊູແອລາເປັນຕົ້ນໄດ້ສົ່ງຄະນະຜູ້ແທນມາເຂົ້າຮ່ວມການສວນສະໜາມ, ຈຳນວນຄະນະຜູ້ແທນແຕ່ລະຄະນະມີຈຳນວນປະມານ7ຄົນ.
ກ້ອນກຳລັງແລະຄະນະຜູ້ແທນຂອງກອງທັບຕ່າງປະເທດທີ່ໃສ່ຊຸດທະຫານແບບຕ່າງໆລ້ວນແຕ່ມີທ່າທາງຢ່າງສະຫງ່າຜ່າເຜີຍ, ສວນສະໜາມຜ່ານສະໜາມຫຼວງທຽນອານເມີນດ້ວຍທ່າທາງທີ່ມີສີສັນຂອງປະເທດຕົນເອງ, ເຊິ່ງສະແດງໃຫ້ເຫັນມູນເຊື້ອຂອງກອງທັບ ແລະພາບພົດທີ່ດີງາມຂອງທະຫານປະເທດຕົນ.