ຕາມຂ່າວCRI: ໃນກອງປະຊຸມລະນຶກສົງຄາມປະຊາຊົນຈີນຕໍ່ຕ້ານຟາຊິດຍີ່ປຸ່ນ ກໍຄືສົງຄາມຕໍ່ຕ້ານຟາຊິດໂລກໄດ້ຮັບໄຊຊະນະຄົບຮອບ 70 ປີທີ່ຈັດຂຶ້ນໃນວັນທີ 3 ກັນຍານີ້, ທ່ານສີຈີ້ນຜີງ ເລຂາທິການໃຫຍ່ພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງພັກກອມມູນິດຈີນກ່າວວ່າ, ຈີນຈະຫຼຸດກຳລັງລົບ 3 ແສນຄົນ.
ທ່ານສີຈີ້ນຜີງກ່າວວ່າ, ສົງຄາມກໍ່ແມ່ນແຫວ່ນແຍງທີ່ສາມາດສະທ້ອນໃຫ້ຫຼາຍຄົນຮັບຮູ້ຄວາມລ້ຳຄ່າຂອງສັນຕິພາບ. ເພື່ອສັນຕິພາບ, ຈີນຈະຍຶດໝັ້ນເດີນຕາມເສັ້ນທາງພັດທະນາໂດຍສັນຕິຕະຫຼອດໄປ. ຊົນຊາດຈີນຮັກຫອມສັນຕິພາບມາແຕ່ບູຮານນະການ. ບໍ່ວ່າຈະມີການພັດທະນາໄປໃນແນວທາງໃດ, ຈີນຈະບໍ່ສະແຫວງມະຫາອຳນາດ, ຈະບໍ່ຂະຫຍາຍອຳນາດ ແລະ ຈະບໍ່ນຳປະສົບການອັນເສົ້າສະຫົຼດທີ່ຕົນເອງເຄີຍປະສົບມາເພື່ອໄປໃຊ້ກັບຊາດອື່ນ. ປະຊາຊົນຈີນຈະຍຶດໝັ້ນໃນການຮ່ວມກັນກັບປະຊາຊົນປະເທດຕ່າງໆໃນໂລກຢ່າງມີໄມຕີຈິດ, ຍຶດໝັ້ນປົກປັກຮັກສາໝາກຜົນແຫ່ງໄຊຊະນະໃນສົງຄາມປະຊາຊົນຈີນຕໍ່ຕ້ານຍີ່ປຸ່ນ ແລະ ສົງຄາມຕໍ່ຕ້ານຟາຊິດໂລກ, ທຳຄວາມພະຍາຍາມປະກອບສ່ວນສ້າງສິ່ງໃໝ່ເພື່ອມະນຸດຫຼາຍຍິ່ງຂຶ້ນ.
