ສຳນັກຂ່າວສານຊິນຮວາລາຍງານວ່າ: ຜູ້ນຳຕ່າງປະເທດແລະຫົວໜ້າອົງການຈັດຕັ້ງສາກົນຫຼາຍທ່ານທີ່ໄດ້ມາເຂົ້າຮ່ວມກິດຈະກຳລະນຶກວັນຄົບຮອບ 70 ປີແຫ່ງໄຊຊະນະຂອງສົງຄາມຕໍ່ຕ້ານຟາຊິດຍີ່ປຸ່ນຂອງປະຊາຊົນຈີນແລະສົງຄາມຕໍ່ຕ້ານຟາຊິດຂອງໂລກເຊິ່ງຈັດຂຶ້ນຢູ່ປັກກິ່ງນັ້ນໄດ້ເຫັນວ່າ: ກິດຈະກຳໃນເທື່ອນີ້ໄດ້ສະແດງໃຫ້ຊາວໂລກໄດ້ເຫັນຢ່າງເຕັມສ່ວນເຖິງຄວາມປາຖະໜາຂອງປະຊາຊົນຈີນໃນການປົກປັກຮັກສາສັນຕິພາບ, ໄດ້ສົ່ງສັນຍານອັນຈະແຈ້ງກ່ຽວກັບຈີນຈະສຸມກຳລັງເຂົ້າໃນການຮັກສາສັນຕິພາບ.
ທ່ານວາດີເມຍ ປູຕິນ ປະທານາທິບໍດີຣັດເຊຍ, ທ່ານຈາຄົບ ຈູມາ ປະທານາທິບໍດີອາຟຣິກກາໃຕ້, ທ່ານ ໂທມິສລັຟ ນີໂຄລິສ ປະທານາທິ ບໍດີແຊັກບີ, ທ່ານເຊີເກ ເລເບເດັຟ ເລຂາທິການບໍລິຫານງານຂອງສະຫະພັນລັດເອກະລາດ, ທ່ານນິໂຄໄລ ໂບຣດີວຈາ ເລຂາທິການໃຫຍ່ ອົງການສົນທິສັນຍາຄວາມໝັ້ນຄົງລວມໝູ່ສະຫະພັນລັດເອກະລາດ ແລະຜູ້ນຳປະເທດຕະຫຼອດຮອດຫົວໜ້າອົງການຈັດຕັ້ງສາກົນທ່ານອື່ນໆຕ່າງກໍໄດ້ຍ້ອງຍໍວ່າ: ກິດຈະກຳລະນຶກຂອງຈີນໃນເທື່ອນີ້ມີຄວາມໝາຍສຳຄັນ, ຈີນໄດ້ນຳໃຊ້ໂອກາດຈັດກິດຈະກຳໃນເທື່ອນີ້ເພື່ອສົ່ງສັນຍານຕໍ່ທົ່ວໂລກວ່າ: ຈີນສຸມທຸກກຳລັງເຂົ້າໃນສັນຕິພາບ, ການພັດທະນາ, ການຮ່ວມມືແລະຊຸກຍູ້ສະຖຽນລະພາບຂອງປະຊາຄົມໂລກ. ຫວັງຢາກໃຊ້ໂອກາດຈັດກິດຈະກຳໃນເທື່ອນີ້ດຳເນີນການຮ່ວມມືກັນເພື່ອພ້ອມກັນສ້າງອະນາຄົດທີ່ດີງາມ.