ຄັງປັນຍາຈີນ-ອາຊຽນບັນລຸ 《ຂໍ້ຕົກລົງໜານນິງ》
2015-09-17 10:49:39 cri
ເວທີປຶກສາຫາລືກ່ຽວກັບຍຸດທະສາດລະຫວ່າງຄັງປັນຍາຈີນ-ອາຊຽນຄັ້ງທີ 8 ທີ່ໄຂຂຶ້ນຢູ່ເມືອງໜານນິງເຂດກວາງຊີຂອງຈີນໄດ້ອັດລົງໃນວັນທີ 16 ກັນຍານີ້, ນັກວິຊາການທີ່ມາຈາກຄັງປັນຍາຈີນແລະອາຊຽນໄດ້ລົງເລິກແລກປ່ຽນແລະຫາລືກັນກ່ຽວກັບຫົວຂໍ້ຕ່າງໆເຊັ່ນ: ການສ້າງສາ "ແລວທາງເສດຖະກິດເສັ້ນທາງສາຍໄໝແລະເສັ້ນທາງສາຍໄໝທາງທະເລໃນສະຕະວັດທີ 21" ຫຼື "ໜຶ່ງແລວທາງໜຶ່ງເສັ້ນທາງ" ແລະການສ້າງປະຊາກອນຮ່ວມຊາຕາກຳຈີນ-ອາຊຽນເປັນຕົ້ນ, ໄດ້ບັນລຸ 《ຂໍ້ຕົກລົງໜານນິງ》.
ຄັງປັນຍາຂອງປະເທດຕ່າງໆເຫັນວ່າ, ການສ້າງ "ໜຶ່ງແລວທາງໜຶ່ງເສັ້ນທາງ" ສອດຄ່ອງກັບຄວາມຮຽກຮ້ອງຕ້ອງການຮ່ວມຂອງບັນດາປະເທດທີ່ຢູ່ຕາມແລວທາງແລະເສັ້ນທາງດ່ັງກ່າວ, ແມ່ນເສັ້ນທາງແຫ່ງການຮ່ວມມືແລະໄດ້ຮັບຜົນປະໂຫຍດຮ່ວມທີ່ຊຸກຍູ້ໃຫ້ບັດດາປະເທດຢູ່ຕາມໜຶ່ງແລວທາງໜຶ່ງເສັ້ນທາງພັດທະນາໂດຍສັນຕິ, ບັນລຸຄວາມຈະເລີນຮຸ່ງເຮືອງຮ່ວມກັນ. ການຮ່ວມມືລະຫວ່າງຈີນກັບອາຊຽນມີຖານະທີ່ສຳຄັນທີ່ສຸດໃນການສ້າງຍຸດທະສາດ "ໜຶ່ງແລວທາງໜຶ່ງເສັ້ນທາງ" , ການທີ່ລົງເລິກການຮ່ວມມືລະຫວ່າງຈີນ-ອາຊຽນ, ສ້າງແລວທາງເສດຖະກິດເສັ້ນທາງສາຍໄໝແລະເສັ້ນທາງສາຍໄໝທາງທະເລໃນສະຕະວັດທີ 21 ຮ່ວມກັນ, ແມ່ນມີຄວາມໝາຍສຳຄັນເປັນພິເສດຕໍ່ການຍົກລະດັບຂອງເຂດການຄ້າເສລີຈີນ-ອາຊຽນໃຫ້ສູງຂຶ້ນແລະສ້າງປະຊາຄົມຮ່ວມຊາຕາກຳຈີນ-ອາຊຽນທີ່ມີຄວາມສະໜິດແໜ້ນກວ່າເກົ່າ. ການແລກປ່ຽນແລະຮ່ວມມືກັນລະຫວ່າງຄັງປັນຍາຂອງຈີນແລະອາຊຽນແມ່ນເນື້ອໃນທີ່ສຳຄັນໃນການສ້າງສາ"ໜຶ່ງແລວທາງໜຶ່ງເສັ້ນທາງ" , ເຊິ່ງການພັດທະນາຍຸດທະສາດ"ໜຶ່ງແລວທາງໜຶ່ງເສັ້ນທາງ" ແລະການສ້າງໂຄງການຕ່າງໆທີ່ກ່ຽວຂ້ອງຕ້ອງການໃຫ້ຄັງປັນຍາປະເທດຕ່າງໆດຳເນີນການຄົ້ນຄວ້າຢ່າງເລິກເຊິ່ງແລະມີສ່ວນປະກອບຢ່າງຕັ້ງໜ້າ.