ກົມຮ່ວມມືດ້ານການເງິນສາກົນຂອງກະຊວງການເງິນຈີນໃຫ້ຮູ້ໃນວັນທີ 12 ຕຸລານີ້ວ່າ: ທ່ານລິນຢູ້ຜິງ, ເອກອັກຄະລັດຖະທູດໂປໂລຍປະຈຳຈີນໃນຖານະເປັນຜູ້ຕາງໜ້າຜູ້ມີອຳນາດເຕັມຂອງລັດຖະບານໄດ້ເຊັນ"ສັນຍາວ່າດ້ວຍທະນາຄານລົງທຶນພື້ນຖານໂຄງລ່າງອາຊີຫືຼ AIIB" ຢູ່ນະຄອນຫຼວງປັກກິ່ງຂອງຈີນໃນວັນທີ 9 ຕຸລານີ້, ໂປໂລຍໄດ້ກາຍເປັນຝ່າຍເຊັນສັນຍາລຳດັບທີ 53.
ຕາມຂໍ້ກຳນົດ, ປະເທດທີ່ບໍ່ໄດ້ສຳເລັດຂັ້ນຕອນລະບຽບການທີ່ເຫຼືອນັ້ນຄວນສຳເລັດການເຊັນສັນຍາກ່ອນທ້າຍປີ 2015. ພ້ອມດຽວກັນນັ້ນ, ປະເທດສະມາຊິກທີ່ມີເຈດຕະນາເປັນຜູ້ກໍ່ຕັ້ງ AIIB ຍັງຄວນສຳເລັດການໃຫ້ສັດຕະຍາບັນຈາກອົງການນິຕິບັນຍັດຂອງປະເທດຕົນກ່ອນວັນທີ 31 ທັນວາປີ 2016, ຫຼັງຈາກນັ້ນຈຶ່ງສາມາດກາຍເປັນສະມາຊິກຜູ້ກໍ່ຕັ້ງ AIIB ໄດ້.