ວັນທີ 12 ຕຸລານີ້, ທ່ານມັກ ໂບເລັດ, ປະທານຄະນະກຳມະການນະໂຍບາຍແລະຊັບພະ ຍາກອນຂອງເມືອງລອນດອນກ່າວວ່າ, ເມືອງລອນດອນຍິນດີຕ້ອນຮັບປະທານປະເທດຈີນຈະໄປຢ້ຽມຢາມອັງກິດທາງລັດຖະກິດ. ການຢ້ຽມຢາມເທື່ອນີ້ຈະສ້າງພື້ນຖານອັນໝັ້ນແກ່ນໃຫ້ແກ່ການຂະຫຍາຍການພົວພັນລະຫວ່າງຈີນກັບອັງກິດໃນໄລຍະຍາວ, ມີຜົນດີຕໍ່ສອງປະເທດໃນດ້ານການເພີ່ມທະວີການພົວພັນດ້ານການເມືອງ, ເສດຖະກິດແລະວັດທະນະທຳທີ່ແໜ້ນແຟ້ນກວ່າເກົ່າ.
ທ່ານອາລັນ ຢາລອວ, ເຈົ້າເມືອງເມືອງລອນດອນກ່າວວ່າ, "ຂ້າພະເຈົ້າຄອງຄອຍທ່ານສີຈິ້ນຜີງ, ປະທານປະເທດຈີນຢ້ຽມຢາມອັງກິດ, ຫວັງວ່າການພົວພັນລະຫວ່າງສອງປະເທດຈະຂະຫຍາຍຕົວຕື່ມອີກ."
ທ່ານໂບເລັດ ກ່າວວ່າ, ຫວັງວ່າໃນໄລຍະທີ່ປະທານສີຈິ້ນຜີງຢ້ຽມຢາມອັງກິດ, ເຈົ້າໜ້າທີ່ຊັ້ນສູງຂອງສອງປະເທດຈະເລັ່ງລັດຊຸກຍູ້ການຮ່ວມມືສອງຝ່າຍດ້ານເສດຖະກິດການຄ້າແລະການລົງທຶນ, ແລະຊຸກຍູ້ເສດຖະກິດຂອງສອງປະເທດໃຫ້ພັດທະນາແບບຍືນຍົງ.
 |
