ກອງປະຊຸມຄົບຄະນະຄັ້ງທີ 5 ສະໄໝທີ 18 ຂອງພັກກອມມູນິດຈີນຈັດຂຶ້ນເລີ່ມແຕ່ວັນທີ 26 ຫາວັນທີ 29 ຕຸລານີ້ ໂດຍໄດ້ຄົ້ນຄວ້າຂໍ້ສະເໜີກ່ຽວກັບການວາງແຜນການ 5 ປີຄັ້ງທີ 13 ຂອງເສດຖະກິດແຫ່ງຊາດ ແລະການພັດທະນາສັງຄົມ, ວາງແຜນກ່ຽວກັບເສັ້ນທາງແຫ່ງການພັດທະນາຂອງຈີນໃນການບັນລຸເປົ້າໝາຍອີ່ມໜໍາສໍາລານໃນ 5 ປີຕໍ່ໜ້າ.
ແຜນການ 5 ປີຄັ້ງທີ 13 ຂອງຈີນມີ 10 ເປົ້າໝາຍ ຄື: ໜຶ່ງ, ຮັກສາການເຕີບໂຕຂອງເສດຖະກິດ; ສອງ, ຫັນປ່ຽນຮູບແບບການພັດທະນາ; ສາມ, ປັບປຸງໂຄງກະກອບຂອງຂະແໜງການໃຫ້ດີຂຶ້ນກວ່າເກົ່າ; ສີ່, ຊຸກຍູ້ການປະດິດສ້າງໃໝ່ເພື່ອການພັດທະນາ; ຫ້າ, ເລັ່ງລັດຈັງຫວະການຫັນເປັນທັນສະໄໝຂອງກະສິກໍາ; ຫົກ, ປະຕິຮູບລະບອບ ແລະກົນໄກ; ເຈັດ, ຊຸກຍູ້ການພັດທະນາແບບມີການປະສານງານ; ແປດ, ເພີ່ມການກໍ່ສ້າງສິວິໄລລະບົບນິເວດ; ເກົ້າ, ຮັບປະກັນ ແລະປັບປຸງຊີວິດການເປັນຢູ່ຂອງປະຊາຊົນ; ສິບ, ຊຸກຍູ້ການຊ່ວຍເຫຼືອວຽກງານແກ້ໄຂຄວາມທຸກຍາກ ແລະການພັດທະນາ.
ໃນນັ້ນ, ການເພີ່ມການກໍ່ສ້າງສິວິໄລລະບົບນິເວດແມ່ນຖືກຈັດເຂົ້າໃນແຜນການ 5 ປີຂອງຈີນເປັນຄັ້ງທໍາອິດ.
