ກອງປະຊຸມຄົບຄະນະຄັ້ງທີ 5 ສະໄໝທີ 18 ຂອງສູນກາງພັກກອມມູນິດຈີນທີ່ເປັນຈຸດສຸມສາຍຕານັ້ນຈະອັດລົງຢ່າງເປັນທາງການໃນວັນທີ 29 ຕຸລານີ້. "ແຜນການພັດທະນາ 5 ປີ ຄັ້ງທີ 13 " ທີ່ຈະພິຈາລະນາຕົ້ນຕໍໃນກອງປະຊຸມນັ້ນ, ຈະວາດພາບເສັ້ນທາງໃໝ່ໃຫ້ແກ່ເປົ້າໝາຍການສ້າງສັງຄົມອີ່ມໝຳສຳລານຢ່າງຮອບດ້ານແຕ່ນີ້ຮອດປີ 2020, ແລະຈະວາດພາບແຫ່ງການພັດທະນາໃນ 5 ປີຂ້າງໜ້ານີ້ແນວໃດ, ນີ້ແມ່ນເລື່ອງທີ່ໄດ້ຮັບຄວາມສົນໃຈຈາກຝ່າຍຕ່າງໆ. ຜູ້ຊ່ຽວຊານໃຫ້ຮູ້ວ່າ: ການລົງເລິກການປະຕິຮູບໃນຂົງເຂດຕ່າງໆ, ແລະເຮັດໃຫ້ປະຊາຊົນມີຄວາມຮູ້ສຶກວ່າໄດ້ຮັບຜົນປະໂຫຍດຈາກການປະຕິຮູບນັ້ນ, ຈະແມ່ນເປົ້າໝາຍໃຈກາງຂອງ "ແຜນການພັດທະນາ 5 ປີຄັ້ງທີ 13".
ສ່ວນໜ້າທີ່ແລະເປົ້າໝາຍຈຳນວນ 10 ຂໍ້ຂອງ "ແຜນການພັດທະນາ 5 ປີຄັ້ງທີ 13" ທີ່ເປີດເຜີຍໂດຍສື່ມວນຊົນນັ້ນ, ການຮັບປະກັນແລະການປັບປຸງລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນກັບການຊຸກຍູ້ການພັດທະນາວຽກງານຫຼຸດ ຜ່ອນຄວາມທຸກຍາກກໍ່ໄດ້ນອນຢູ່ໃນເປົ້າໝາຍດັ່ງກ່າວ. ຜູ້ຊ່ຽວຊານຄາດຄະເນວ່າ: ໃນໄລຍະປະຕິບັດ "ແຜນການພັດທະນາ 5 ປີຄັ້ງທີ 13", ໃນຂົງເຂດກ່ຽວກັບຊີວິດການເປັນຢູ່ຂອງປະຊາຊົນນັບມື້ນັບຫຼາຍກວ່າເກົ່າຈະປະດິດສ້າງກົນໄກໃໝ່ແລະໂຄງປະກອບໃໝ່, ຊັບພະຍາກອນສາທາລະນະນັບມື້ນັບຫຼາຍກວ່າເກົ່າຈະລົງໄປສູ່ຂັ້ນຮາກຖານ, ປົກຫຸ້ມເຂດຊົນນະບົດ, ແລະອຽງໄປກຸ່ມຄົນໃນທ່າອ່ອນ, ເຊິ່ງຄວາມຫຼຸດໂຕນກັນລະຫວ່າງຕົວເມືອງ-ຊົນນະບົດ, ທ້ອງຖິ່ນ-ທ້ອງຖິ່ນ, ກຸ່ມຄົນ-ກຸ່ມຄົນຈະຫຼຸດໜ້ອຍບົງຢ່າງບໍ່ຢຸດຢັ້ງ.
 |
