ທ່ານພ່ານຈ້ຽນເສີງ, ຮອງຫົວໜ້າສູນຕິດຕາມກວດກາຄວາມຈະເລີນຂອງເສດຖະກິດຈີນໄດ້ອອກບົດຄວາມທີ່ມີຫົວຂໍ້ວ່າ"ເສດຖະກິດຈີນມີອະນາຄົດທີ່ດີເໝືອນເດີມ". ບົດຄວາມຂຽນວ່າ, ພາຍຫຼັງເຜີຍແຜ່ຂໍ້ມູນເສດຖະກິດຂອງ 3 ໄຕມາດທໍາອິດຂອງປີນີ້ເປັນຕົ້ນມາ, ມີຫຼາຍຄົນໄດ້ສະແດງຄວາມເປັນຫ່ວງຕໍ່ເສດຖະກິດຈີນ. ແຕ່ວ່າ, ເຖິງແມ່ນວ່າເສດຖະກິດຈີນໃນປັດຈຸບັນມີຄວາມກົດດັນອ່າວຫຼາຍໃນດ້ານຈັງຫວະການເຕີບໂຕຫຼຸດລົງກໍ່ຕາມ, ແຕ່ຍັງມີອະນາຄົດທີ່ດີເໝືອນເດີມ.
ກ່ອນອື່ນໝົດ, ໃນ 3 ໄຕມາດທໍາອິດຂອງປີນີ້, ເສດຖະກິດຈີນໄດ້ເຕີບໂຕ 6,9% ເຊິ່ງມີຜົນສະທ້ອນອ່າວຫຼາຍ. ນອກນີ້, ໂຄງປະກອບຂອງເສດຖະກິດຈີນກໍາລັງສືບຕໍ່ປັບປຸງດີຂຶ້ນ.
ການຫັນປ່ຽນຮູບແບບ ແລະການຍົກລະດັບຂອງເສດຖະກິດຈີນກໍາລັງກ້າວໄປຂ້າງໜ້າຢ່າງຕັ້ງໜ້າ ເຊິ່ງໄດ້ສ້າງພື້ນຖານອັນແໜ້ນແກ່ນໃຫ້ແກ່ເສດຖະກິດຈີນໃນອະນາຄົດເພື່ອບັນລຸການເຕີບໂຕຢ່າງໝັ້ນທ່ຽງຢູ່ໃນລະດັບທີ່ມີຄຸນນະພາບ ແລະປະສິດທິພາບສູງກວ່າເກົ່າ. ພ້ອມກັນນັ້ນ, ມາດຕະການຕ່າງໆທີ່ວາງອອກໃນໄລຍະມໍ່ໆມານີ້ ເພື່ອເຮັດໃຫ້ການເຕີບໂຕມີຄວາມໝັ້ນທ່ຽງນັ້ນ ກໍ່ຈະສາມາດຕ້ານທານກັບຄວາມກົດດັນທີ່ຈັງຫວະການເຕີບໂຕຫຼຸດລົງ. ຄຽງຄູ່ກັບນະໂຍບາຍເງິນຕາສືບຕໍ່ຜ່ອນຄາຍລົງ, ຄາດວ່າໃນໄຕມາດທີ 4 ຂອງປີນີ້, ເສດຖະກິດຈີນຈະຮັກສາການເຕີບໂຕຢ່າງໝັ້ນທ່ຽງ.
