ເວັນໄຊຂອງໜັງສືພິມ Financial Times ຂອງອັງກິດລາຍງານໃນວັນທີ 22 ຕຸລາແລ້ວນີ້ວ່າ, ການລາຍງານຂອງຂ່າວສານຕະຫຼາດສາກົນຫຼື MNI ໃນເດືອນຕຸລາແລ້ວນີ້ສະແດງໃຫ້ເຫັນວ່າ, ຕົວເລກດັດຊະນີຄວາມໝັ້ນໃຈຂອງວິສາຫະກິດຈີນໄດ້ເພີ່ມຂຶ້ນ 8,3%, ຂຶ້ນເປັນ 55,6%. ນີ້ແມ່ນອັດຕາເພີ່ມຂຶ້ນໃຫຍ່ທີ່ສຸດເລີ່ມແຕ່ເດືອນມີນາປີ 2011 ມານີ້. ອັດຕາເພີ່ມຂຶ້ນດັ່ງກ່າວເຮັດໃຫ້ຄົນ ທັງຫຼາຍຕື່ນຕາດ້ວຍຄວາມອອນຊອນ, ແຕ່ວ່າອັດຕາຫຼຸດລົງຂອງຕົວເລກດັດຊະນີດັ່ງກ່າວໃນເດືອນກັນຍາ (ຄືຫຼຸດລົງ 8,4%) ກໍ່ສູງສົມຄວນ.
ຂ່າວດັ່ງກ່າວລາຍງານວ່າ, MNI ທີ່ຂຶ້ນກັບກຸ່ມຕະຫຼາດຫຼັກຊັບເຢຍລະມັນໄດ້ສຳຫຼວດວິສາຫະກິດ 200 ແຫ່ງທີ່ຂາຍບັດຫຸ້ນສ່ວນຢູ່ຕະຫຼາດຫຸ້ນສ່ວນຂອງຈີນ. ຜົນການສຳຫຼວດສະແດງໃຫ້ເຫັນວ່າ, ສະພາບແວດລ້ອມດ້ານນະໂຍບາຍແລະຕະຫຼາດການເງິນບໍ່ປັ່ນປ່ວນຖືກຖືເຫັນເປັນປັດໄຈຕັ້ງໜ້າອັນໜຶ່ງ.
ທ່ານຟິລິບ ໂອໂກຼ, ນັກເສດຖະສາດທີໜຶ່ງຂອງຕົວເລກດັດຊະນີຂອງ MNI ກ່າວວ່າ: "ຫຼັກຖານຕ່າງໆໃນປັດຈຸບັນສະແດງໃຫ້ເຫັນວ່າ, ວິສາຫະກິດຈີນໄດ້ຜ່ານໄລຍະຊຸດໂຊມທີ່ສຸດຕໍ່ສະພາບການທີ່ປັ່ນປ່ວນໃນປີ 2015 ຢ່າງປອດໄພແລ້ວ."
 |
