ຫວ່າງມໍ່ໆມານີ້, ຂ່າວສານຕະຫຼາສາກົນຫຼື MNI ທີ່ສັງກັດກຸ່ມຕະຫຼາດຫຼັກຊັບເຢຍລະມັນ ໄດ້ດຳເນີນການສຳຫຼວດຕໍ່ບໍລິສັດທີ່ໄດ້ຈຳໜ່າຍບັດຫຸ້ນສ່ວນໃນຕະຫຼາດຫຼັກຊັບຊຽງໄຮແລະເຊິ່ນເຈິ້ນຂອງຈີນຈຳນວນ 200 ແຫ່ງ, ຜົນການສຳຫຼວດສະແດງໃຫ້ເຫັນວ່າ, ໃນເດືອນຕຸລາທີ່ຜ່ານມາ, ດັດຊະນີຄວາມໝັ້ນໃຈຕໍ່ບໍລິສັດຈີນຂອງ MNI ໄດ້ເພີ່ມຂຶ້ນ 8,3% ເມື່ອທຽບໃສ່ເດືອນກັນຍາແລ້ວນີ້, ໂດຍໄດ້ເພີ່ມຂຶ້ນຮອດ 55,6 ຈາກ 51,3 ໃນເດືອນກັນຍາທີ່ຜ່ານມາ, ນີ້ແມ່ນຈັງຫວະ ເຕີບໂຕທີ່ໃຫຍ່ທີ່ສຸດນັບແຕ່ເດືອນມີນາປີ 2011 ເປັນຕົ້ນມາ.
ຕໍ່ຈັງຫວະເຕີບໂຕທີ່ເປັນ 8,3%, ນັກເສດຖະສາດຕ່າງປະເທດຈຳນວນໜຶ່ງຕ່າງກໍ່ສະແດງຄວາມຕົກສະເງີ້. ທ່ານຟິລິບ ອຸກໂລ, ຫົວໜ້ານັກເສດຖະສາດຂອງດັດຊະນີ MNI ໃຫ້ຮູ້ວ່າ: ເນື່ອງຈາກວ່າໄດ້ຖືກຜົນກະທົບຈາກປັດໄຈພາຍນອກຕ່າງໆ, ດັດຊະນີຄວາມໝັ້ນໃຈຕໍ່ບໍລິສັດຈີນຂອງ MNI ໄດ້ຜ່ານໄລຍະທີ່ມີການເໜັງຕີງເລື້ອຍໆໄລຍະໜຶ່ງ. ເຖິງແມ່ນວ່າໃນຫຼາຍເດືອນມໍ່ໆມານີ້ກໍ່ໄດ້ມີການເໜັງຕີງກໍ່ຕາມ, ແຕ່ເວົ້າລວມແລ້ວ, ການຟື້ນຟູ້ຂຶ້ນຂອງຄວາມໝັ້ນໃຈໄດ້ປາກົດມີທ່າແຮງ. ສາມາດຄາດຄະເນໄດ້ວ່າ, ຄຽງຄູ່ກັບນະໂຍບາຍແລະມາດຕະການຕ່າງໆໃນດ້ານການປະຕິຮູບໄດ້ຖືກຈັດຕັ້ງປະຕິບັດຢ່າງຕໍ່ເນື່ອງ, ສັນຍານທີ່ຕັ້ງໜ້າຂອງເສດຖະກິດຈີນຈະເປີດກວ້າງອອກໄປຕື່ມອີກ, ແລະອະນາຄົດຂອງເສດຖະກິດຈີນກໍ່ຈະມີຄວາມສະຫວ່າງສະໄຫວກວ່າເກົ່າ.
 |
