ວັນທີ 3 ພະຈິກນີ້, ຈີນໄດ້ເຜີຍແຜ່ "ຂໍ້ສະເໜີຂອງສູນກາງພັກກອມມູນິດຈີນກ່ຽວກັບການຈັດວາງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 13" ຢ່າງເປັນທາງການ. ໃນຂະນະທີ່ແນະນຳສະພາບການທີ່ກ່ຽວຂ້ອງໃນການຈັດວາງ ແຜນດັ່ງກ່າວ, ທ່ານສູຊ້າວສື, ປະທານຄະນະກຳມະການການພັດທະນາແລະປະຕິຮູບແຫ່ງຊາດຈີນກ່າວວ່າ, "ຂໍ້ສະເໜີ" ຕົ້ນຕໍມີເນື້ອໃນຫຼັກແຫຼ່ງໃນ 3 ດ້ານ, ຂະນະດຽວກັນນີ້, ທ່ານກ່າວຕື່ມວ່າ, ຈີນມີຄວາມຕັດສິນໃຈແລະກໍ່ມີເງື່ອນໄຂໃນການຮັກສາການເຕີບໂຕຂອງເສດຖະກິດໃນຄວາມໄວປານກາງແລະສູງ.
ທ່ານສູຊ້າວສືໄດ້ແນະນຳໃຫ້ຮູ້ວ່າ: "ຂໍ້ສະເໜີ" ມີເນື້ອໃນຫຼັກແຫຼ່ງໃນ 3 ດ້ານຄື: ໜຶ່ງ, ໄດ້ສະເໜີທັດສະນະຄະຕິແຫ່ງການພັດທະນາ 5 ຂໍ້ຄື: ມີຫົວຄິດປະດິດສ້າງ, ມີຄວາມປະສານກົມກຽວກັນ, ສີຂຽວ, ເປີດປະຕູແລະຊົມໃຊ້ຮ່ວມກັນ, ນີ້ແມ່ນແນວຄິດທີ່ສຳຄັນທີ່ສຸດໃນການຊີ້ນຳການຈັດວາງແລະການພັດທະນາຂອງແຜນດັ່ງກ່າວ; ສອງ, ໄດ້ສະເໜີຫຼັກການແຫ່ງການພັດທະນາ "6 ຢຶດໝັ້ນ" ຄື, ຢຶດໝັ້ນຖານະຫຼັກແຫຼ່ງຂອງປະຊາຊົນ, ຢຶດໝັ້ນພັດທະນາຕາມຫຼັກວິທະຍາສາດ, ຢຶດໝັ້ນການລົງເລິກການປະຕິຮູບ, ຢຶດໝັ້ນການປົກຄອງປະເທດຕາມກົດໝາຍ, ຢຶດໝັ້ນການຈັດສັນສະພາບລວມທັງພາຍໃນປະເທດແລະຕ່າງປະເທດຢ່າງເປັນເອກະພາບກັນ, ແລະຢຶດໝັ້ນການນຳພາຂອງພັກກອມມູນິດຈີນ. ສາມ, ໄດ້ສະເໜີເປົ້າໝາຍແລະຄວາມຮຽກຮ້ອງອັນໃໝ່ໃນການສ້າງສາສັງຄົມອີ່ມໝຳສຳລານຢ່າງຮອບດ້ານໃນ 5 ດ້ານ, ຄື: ໜຶ່ງ, ຮັກສາການເຕີບໂຕຂອງເສດຖະກິດໃຫ້ມີຄວາມໄວປານກາງແລະສູງ, ສອງ, ຍົກລະດັບແລະຄຸນນະພາບຊີວິດການເປັນຢູ່ຂອງປະຊາຊົນໃຫ້ສູງຂຶ້ນໂດຍທົ່ວໄປ, ສາມ, ຍົກລະດັບຄຸນສົມບັດຂອງປະຊາຊົນແລະລະດັບອະລິຍາທຳຂອງສັງຄົມໃຫ້ສູງຂຶ້ນຢ່າງຈະແຈ້ງ, ສີ່, ປັບປຸງຄຸນນະພາບລະບົບວິເວດໃຫ້ດີກວ່າເກົ່າໂດຍລວມ, 5, ລະບຽບການໃນດ້ານຕ່າງໆມີຄວາມສຸກງອມແລະເປັນໂຄງປະ ກອບທີ່ໝັ້ນຄົງຫຼາຍກວ່າເກົ່າ.
 |
