ວັນທີ 9 ພະຈິກນີ້ຢູ່ທີ່ປັກກິ່ງ, ທ່ານຢາງເຫວີຍມິນ, ຮອງຫົວໜ້າຫ້ອງການໜ່ວຍງານການເງິນຂອງສູນກາງພັກກອມມູນິດຈີນກ່າວວ່າ, GDP ເຕີບໂຕ 6,5% ຕໍ່ປີບໍ່ແມ່ນເປົ້າໝາຍຂອງ "ແຜນການພັດທະນາ 5 ປີຄັ້ງທີ 13" ເປົ້າໝາຍສຸດທ້າຍຈະຕົກລົງໃນກອງປະຊຸມສະພາຜູ້ແທນປະຊາຊົນແຫ່ງຊາດຈີນທີ່ຈະຈັດຂຶ້ນໃນເດືອນມີນາປີໜ້າ.
ຫວ່າງມໍ່ໆມານີ້, ທ່ານສີຈິ້ນຜີງ, ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນຊີ້ອອກວ່າ, ຖ້າວ່າເບິ່ງຈາກເປົ້າໝາຍທີ່ GDP ເພີ່ມຂຶ້ນໜຶ່ງເທົ່າແລ້ວ, ປີ 2016 ຫາປີ 2020, ເສດຖະກິດຈີນຕ່ຳສຸດຕ້ອງເຕີບໂຕຫຼາຍກວ່າ 6,5% ຕໍ່ປີ. ອີງຕາມຄວາມເວົ້າດັ່ງກ່າວ, ມີຫາງສຽງເຫັນວ່າ, 6,5% ຄວນແມ່ນເປົ້າໝາຍເສດຖະກິດເຕີບໂຕໃນໄລຍະ "ແຜນການພັດທະນາ 5 ປີຄັ້ງທີ 13"
 |
